दिल्ली विधानसभा निवडणुकीसाठी (Delhi Assembly Election) उद्या बुधवारी 5 फेब्रुवारी रोजी मतदान होणार आहे. या निवडणूकीत ‘आप’ (Aap), काँग्रेस (Congress) व भाजप (Bjp) असा तिरंगी सामना रंगणार आहे. महाराष्ट्र विधानसभा निवडणुकीत संध्याकाळी सहा नंतर मोठ्या प्रमाणात मतदान झाल्याचे निवडणूक आयोगाने म्हटले होते. त्या पार्श्वभूमीवर शिवसेना (उद्धव बाळासाहेब ठाकरे) नेते, युवासेनाप्रमुख, आमदार आदित्य ठाकरे (Aaditya Thackeray) यांनी ‘आप’ व काँग्रेसला ट्विटरवरून एक आवाहन केले आहे.
””आम आदमी पार्टी व काँग्रेस या दोन्ही पक्षांना मी आवाहन करतो की त्यांनी उद्या होणाऱ्या मतदानाच्या वेळी निवडणूक आयोगावर Entirely Compromised (EC) बारीक लक्ष ठेवा. आपल्या मालकासाठी निवडणूक आयोग मतदार घोटाळे, बोगस मतदार असे प्रकार घडू देत त्यावर लक्ष ठेवा. गरज वाटल्यास सोबत व्हिडीओ कॅमेरा ठेवा. त्यामुळे आपल्या मालकाच्या फायद्यासाठी मतदान संपत आलेले असताना अचानक वाढणाऱ्या मतदानावर लक्ष ठेवता येईल व खऱ्या मतदारांचा आकडा समोर येईल. फक्त मुक्त व प्रामाणिक मतदान हेच मतदांरांचा खरा सन्मान आहे. आणि त्यानंतर खऱ्या मतदारांनी निवडून दिलेला जो काही निकाल असेल तो, असे आदित्य ठाकरे यांनी ट्विट केले आहे.
महाराष्ट्रात संध्याकाळी 6 नंतर किती मतदान झालं, निवडणूक आयोगाला हायकोर्टाची नोटीस
विधानसभा निवडणुकीत महायुतीला विजय मिळवून देणाऱ्या मतांच्या घोळाची सोमवारी उच्च न्यायालयाने गंभीर दखल घेतली. राज्यभरात मतदानाच्या शेवटच्या क्षणी झालेल्या 75 लाख मतांचे गौडबंगाल काय? मतदान अचानक वाढले कसे? सायंकाळी सहा वाजल्यानंतर नेमके किती मतदान झाले? याचा खुलासा करा, असे निर्देश देत न्यायालयाने थेट केंद्रीय निवडणूक आयोगाला नोटीस धाडली आणि दोन आठवडय़ांत उत्तर देण्याचे आदेश दिले. तसेच राज्य निवडणूक आयोगासह राज्य व केंद्र सरकारला भूमिका स्पष्ट करण्याचे निर्देश दिले.
75 लाख मतांचा हिशेब नाही
मतदानाची वेळ संपताना व त्यानंतर तब्बल 75 लाख मतदान झाले. या मतदानाचा हिशेब देणारी कोणतीच अधिकृत माहिती सादर झालेली नाही. पारदर्शक मतदानासाठी पुन्हा मतपत्रिकेवर निवडणूक घ्यावी, असा दावा याचिकेत करण्यात आला आहे.
95 मतदारसंघांतील मते जुळत नाहीत
एकूण 95 मतदारसंघांत झालेले मतदान व ईव्हीएमद्वारे झालेली मतमोजणी यात तफावत आली आहे. 19 मतदारसंघांत प्रत्यक्षात झालेल्या मतदानापेक्षा मतमोजणीची आकडेवारी अधिक आहे. 76 मतदारसंघांत झालेल्या मतदानाच्या तुलनेत मतमोजणीचा आकडा कमी आहे.
Comment List