बॉलिवूडमध्ये चित्रपटांच्या प्रमोशनसाठी किंवा, प्रसिद्धीसाठी अभिनेत्री किंवा अभिनेते कधी कधी कोणत्याही थराला जाऊ शकतात. मग तो एखादा बोल्ड सीन व्हायरल करणं असो किंवा खासगी आयुष्याबद्दलची एखादी अफवा पसरवणे असो, असे अनेक प्रकार होताना दिसतात. असाच काहीसं घडलं होतं एका अभिनेत्रीबाबत.
चित्रपट रिलीजच्या वेळेस या अभिनेत्रीचा एक बाथरुममधील व्हिडीओ व्हायरल करण्यात आला होता. त्यामुळे अभिनेत्रीची प्रचंड चर्चाही झाली होती. ही अभिनेत्री आहे उर्वशी रौतेला. उर्वशीचा बाथरुममधील एक व्हिडीओ सोशल मीडियावर चांगलाच व्हायरल झाल्याचं दिसून आलं होतं. मात्र हा व्हिडीओ व्हायरल झाल्यानंतर अभिनेत्रीने हा व्हिडीओ म्हणजे ‘घुसपेठीया’ चित्रपटातील एक दृष्य असल्याचा दावा केला होता. मात्र आता याच व्हिडीओबद्दल अखेर उर्वशीने खुलासा केला आहे.
बाथरुममधील व्हायरल व्हिडीओसंदर्भात मोठा खुलासा
उर्वशीने एका मुलाखतीत व्हायरल झालेल्या बाथरुममधील व्हिडीओसंदर्भात मोठा खुलासा केला आहे. ‘घुसपेठीया’ चित्रपटाच्या निर्मात्यांनी आपली परवानगी घेऊनच हा बाथरुममधील व्हिडीओ व्हायरल केला होता, असा दावा उर्वशीने केला आहे.
‘घुसपेठीया’ चित्रपटाच्या निर्मात्यांवर कर्ज असल्याने त्यांनी या नव्या चित्रपटाची चर्चा व्हावी या उद्देशाने हा व्हिडीओ व्हायरल केला होता असा धक्कादायक दावा उर्वशीने केला आहे. निर्मात्यांवर एवढं मोठं आर्थिक संकट आलं होतं की त्यांना त्यांची जमीन विकावी लागली असती. ही परिस्थिती लक्षात घेऊन मीच त्यांना हा सीन लिक करण्यासाठी परवानगी दिली, असं उर्वशी म्हणाली.
उर्वशीने निर्मात्यांची परिस्थिती सांगताना म्हटली की, “त्यांच्यावर काही कर्ज होतं आणि कर्ज फेडताना ते अडचणीत आलेले. त्यांना त्यांची जमीन विकावी लागली असती. ते रस्त्यावर आले असते. त्यामुळे ते माझ्याकडे आले आणि त्यांनी माझ्या बिझनेस मॅनेजरबरोबर यासंदर्भात चर्चा करुन पुढचा निर्णय घेतला. त्यांनी आमची परवानगी घेऊनच हा व्हिडीओ व्हायरल केला होता.
हा व्हिडीओ चित्रपटामधलाच होता. आम्ही तो व्हायरल करण्यापूर्वी किंवा तो शूट करण्यासाठी काही वेगळे कष्ट घेतले नाहीत. आपण हा व्हिडीओ आधीच व्हायरल केला तर चित्रपटाची चर्चा होईल असं निर्मात्यांचं म्हणणं होतं. या माध्यमातून जागृती निर्मिती करण्याचाही प्रयत्न केला. खास करुन तरुणींने सतर्क राहण्याचा संदेश यातून देण्याचा आमचा उद्देश होता,” असही उर्वशीने म्हटलं आहे.
‘घुसपेठीया’ कधी रिलीज झालेला ?
‘घुसपेठीया’ हा चित्रपट 9 ऑगस्ट 2024 रोजी चित्रपटगृहांमध्ये प्रदर्शित झाला होता. हा चित्रपट तमिळमधील ‘थिरुतू पायली 2’ या चित्रपटाचा रिमेक होता. या चित्रपटामध्ये उर्वशीबरोबरच अक्षय ओबेरॉय, विनित कुमार सिंह आणि गोविंद नामदेवही झळकले होते.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List