Mumbai Air Pollution : गेल्या काही दिवसांपासून मुंबईतील हवेची गुणवत्ता ढासळत चालली आहे. त्यामुळे मुंबईकरांच्या आरोग्यावर परिणाम होत आहे. मुंबईतील हवेची गुणवत्ता 156 इतकी नोंदवण्यात आली आहे. तर हवेतील २.५ पीएमचं प्रमाणही कमी होताना दिसत नाही. तसेच पीएम 10 चे प्रमाणही जैसे थे स्थितीत आहे. यामुळे मुंबईकरांना श्वसनाचे आजार मोठ्या प्रमाणात होत आहेत.
भारतीय हवामान विभागाने दिलेल्या माहितीनुसार, मुंबईचा हवेचा गुणवत्ता निर्देशांक (AQI) आज 156 इतका नोंदवण्यात आला आहे. हा निर्देशांक ‘मध्यम’ श्रेणीत येतो. सध्या मुंबई शहर आणि उपनगरांमध्ये अंशतः ढगाळ वातावरण आहे. त्यामुळे मुंबई शहर, उपनगर आणि आजूबाजूच्या परिसरातील हवेची गुणवत्ता खालवली आहे. मुंबईची हवा अत्यंत चिंताजनक झाली आहे. त्यामुळे सध्या मुंबईत ठिकठिकाणी अंशत: ढगाळ वातावरण पाहायला मिळत आहे.
मुंबईतील हवेची गुणवत्ता ढासळत असल्याने सध्या मुंबईकरांच्या आरोग्यावर परिणाम होत आहेत. आज मुंबईत एक्युआय 156 इतका आहे. तर हवेतील पीएमचं प्रमाण 2.5 इतक्या पातळीवर घसरलं आहे. तर पीएम 10 चे प्रमाणही जैसे थे स्थितीत आहे. यामुळे मुंबईकरांना श्वसनाचे आजारांनी हैराण झाले आहेत. सध्या मुंबईत मोठी विकासकामे सुरु आहे. त्यासोबतच इमारतीच्या बांधकामांमध्येही मोठ्या प्रमाणात वाढ झाली आहे. यामुळे मुंबईतील हवेत मोठ्या प्रमाणात धूलिकण मिसळले आहेत. त्यामुळे हवेची गुणवत्ता ही ढासळल्याची माहिती मुंबई महापालिकेने दिली आहे.
मुंबईतील वायू प्रदूषणात वाढ
गेल्या काही दिवसांपासून सातत्याने मुंबईतील वायू प्रदूषण वाढत आहे. त्यामुळे मुंबई महापालिका आणि राज्याच पर्यावरण विभाग अलर्ट मोडवर आहे. मुंबईच्या वायू प्रदूषणावर सरकारकडूनही कठोर कारवाईचे संकेत देण्यात आले आहेत. तर दुसरीकडे मुंबई महापालिकेकडून वॉटर कॅनन फवारणी केली जात आहे. मुंबईतील विविध भागात वॉटर कॅनन फवारणी केली जात असली तरी याचा फारसा फरक जाणवत नाही.
एचएमपीव्ही व्हायरसचा धुमाकूळ
दरम्यान गेल्या काही दिवसांपासून जगभरात ह्युमन मेटापन्यूमो व्हायरस म्हणजेच एचएमपीव्ही (HMVP) हा व्हायरस धुमाकूळ घालत आहे. हा श्वसनाशी संबंधित व्हायरस आहे. ह्युमन मेटापन्यूमो व्हायरस म्हणजेच एचएमपीव्ही (HMVP) तीव्र श्वसन संसर्ग होते. हा विषाणू सर्वप्रथम नेदरलँडसमध्ये २००१ मध्ये आढळला. मानवी मेटान्यूमो व्हायरस (एचएमपीव्ही) हा एक सामान्य श्वसन विषाणू आहे. हा एक हंगामी रोग आहे जो सामान्यतः आरएसव्ही आणि फ्लूप्रमाणेच हिवाळा आणि उन्हाळयाच्या सुरुवातीला उद्भवतो.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List