कॅनडात पुन्हा हिंदुस्थानी विद्यार्थ्यावर हल्ला, अज्ञातांकडून गोळ्या घालून हत्या

किचनमध्ये झालेल्या वादातून एका हिंदुस्थानी विद्यार्थ्याची हत्या केल्याची घटना ताजी असतानाच कॅनडामध्ये आणखी घटना घडली आहे. कॅनडातील एडमोंटन परिसरात शुक्रवारी आणखी हिंदुस्थानी विद्यार्थ्याची कामाच्या ठिकाणी गोळी घालून हत्या करण्यात आली आहे. हर्षदीप सिंह असे मयत विद्यार्थ्याचे नाव आहे. याप्रकरणी दोन आरोपींना अटक करण्यात आली आहे.

हर्षदीप सिंह हा सुरक्षारक्षक म्हणून एका अपार्टमेंटमध्ये काम करत होता. शुक्रवारी रात्री 12.30 वाजण्याच्या सुमारास हर्षदीप ऑनड्युटी असताना तीन अज्ञात लोक आले आणि त्यांनी आधी हर्षदीपला मारहाण केली. त्यानंतर एकाने त्याला गोळी घातली. यानंतर आरोपींनी तेथून पलायन केले.

हर्षदीपला तात्काळ रुग्णालयात नेण्यात आले. मात्र डॉक्टरांनी त्याला मृत घोषित केले. याप्रकरणी एडमोंटन पोलिसात गुन्हा दाखल करण्यात आला असून दोन आरोपींना अटक केली आहे. आरोपींनी हर्षदीपची हत्या का केली याबाबत अद्याप माहिती कळू शकली नाही. पोलीस तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.