ओवा हा एक मसाला आहे. जो प्रत्येकाच्या स्वयंपाक घरात असतो. स्वयंपाकात वापरला जाणारा हा मसाला आरोग्यासाठी औषधांसारखा आहे. ओव्यामध्ये दाहक विरोधी, अँटिऑक्सिडंट आणि अँटिव्हायरल गुणधर्म आहेत. जे शरीराला अनेक आजारांपासून वाचवते. काही आजारांमध्ये ओव्याचे सेवन केल्याने रोग ही बरा होतो. कोमट पाण्यात ओवा टाकून खाल्ल्याने औषधी परिणाम होतो. ओव्याचा वापर भारतीय घरगुती उपचारांमध्ये अनेक वर्षांपासून केला जात आहे. पोटाच्या गंभीर समस्या असल्यास ओव्याचे सेवन केले जाते. रात्री कोमट पाण्यासोबत ओवा खाल्ल्याने अनेक फायदे होतात.
ओवा खाण्याचे फायदे
कोमट पाण्यासोबत ओवा चावून खाल्ल्याने पोटातील गॅस, बद्धकोष्ठता आणि ॲसिडिटीच्या समस्या दूर होतात. ज्या समस्या असल्या तरी त्या दूर केल्या जातात. ओव्यामध्ये पचनक्रिया सुधारणारे घटक असतात.
रात्री झोपण्यापूर्वी एक चमचा ओवा चावून कोमट पाणी प्यायल्याने पोटात जमा झालेला वायू निघून जातो आणि अपचनाची समस्या दूर होते.
ओवा खाल्ल्याने चयापचय वाढतो. ज्यांना वजन कमी करायचे आहे त्यांनी कोमट पाण्यासोबत ओवा खाल्ल्याने शरीरातील चरबी लवकर वितळते.
अनेकांना गरजेपेक्षा जास्त खाण्याची सवय असते. जर तुम्ही रात्री कोमट पाण्यासोबत एक चमचा ओव्याचे सेवन केले तर तुमचे पोट तासान तास भरलेले राहते आणि तुम्ही जास्त खाण्यापासून वाचू शकता.
रात्री पाण्यासोबत ओवा चावून खाल्ल्याने शरीराला आराम मिळेल आणि चांगली झोप येईल. ओव्यामध्ये शरीर आणि मन शांत करणारे तसेच शांत झोप आणणारे गुणधर्म आहेत.
ज्यांची रोगप्रतिकारक शक्ती कमकुवत आहे. अशा लोकांना हिवाळ्यात सर्दी आणि खोकल्याचा त्रास होतो. कोमट पाण्यासोबत ओवा खाल्ल्यास सर्दी खोकला यासारख्या संसर्गजन्य आजारांपासून बचाव होतो.
ओवा खाणे विशेषतः महिलांसाठी फायदेशीर आहे. हे मासिक पाळीच्या दरम्यान अस्वस्थपणापासून मुक्त होण्यास मदत करते. ओवा खाल्ल्याने हार्मोनल संतुलन राखले जाते आणि रक्ताभिसरण सुधारते.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List