कितीही बॅग तपासा त्यातून फक्त निष्ठा आणि विश्वास मिळेल असे विधान राष्ट्रवादी काँग्रेस शरदचंद्र पवार पक्षाचे खासदार अमोल कोल्हे यांनी केले आहे. तसेच राज्यात महाविकास आघाडीचे सरकार येणार असा विश्वासही कोल्हे यांनी व्यक्त केला.
पत्रकारांशी बोलताना कोल्हे म्हणाले की, कितीही बॅगा तपासा त्यातून फक्त निष्ठा आणि विश्वासच सापडेल. आम्ही सुरत गुवाहाटी करुन आलेलो नाही. सुरत गुवाहाटी करुन आलेल्या आमदारांच्या गाडीत काय सापडले हे जनतेला माहीत आहे. निवडणूक आयोगाचा नियम आहे त्याला आक्षेप नाही, पण मोदी, शिंदे, फडणवीस आणि पवार यांच्या बॅगा कधी तपासलेल्या ऐकले नाही किंवा पाहिले नाही, असा मिश्किल टोला खासदार अमोल कोल्हे यांनी महायुतीला लगावला.
नुकत्याच आलेला सर्व्हे महाविकास आघाडीच्या विरोधात आहे असा प्रश्न केला असता त्यावर कोल्हे म्हणाले की, सर्व्हे करणारी कंपनी ही गौतम आदानी यांची आहे. ते महायुतीच्या बाजूनने सर्व्हे देणार हे अपेक्षित आहे. पण जनतेने ठरवलंय की महाविकास आघाडीच्या हाती सत्ता सोपवायची त्यामुळे या सर्व्हेंना कोणी भीक घालत नाही असेही कोल्हे म्हणाले.
Comment List