पक्ष्याच्या धडकेमुळे इंडिगो विमानाचे उड्डाण रद्द, प्रवाशांचा विमानतळावर खोळंबा

पक्ष्याची धडक बसल्याने बंगळुरूला जाणारे इंडिगो विमानाचे उड्डाण रद्द करण्यात आले. सोमवारी सकाळी केरळमधील तिरुअनंतपुरम येथील आंतरराष्ट्रीय विमानतळावरून उड्डाण घेण्यापूर्वी विमानाला पक्षी धडकल्याचे विमानतळ सूत्रांनी सांगितले. विमानात 179 प्रवासी होते.

विमानतळ अधिकाऱ्यांनी दिलेल्या माहितीनुसार, इंडिगोचे 6ई 6629 हे विमान तिरुअनंतपुरमहून बेंगळुरूसाठी रवाना होणार होते. मात्र उड्डाण घेण्यापूर्वीच विमानाला पक्षी धडकल्याने ते रद्द करण्यात आले. विमानाची देखभाल-दुरुस्ती सुरू आहे. विमानातील सर्व प्रवाशांना सायंकाळी 6.30 वाजता दुसऱ्या विमानाने बंगळुरुला रवाना करण्यात आल्याचे सूत्रांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.