अभिनेता सोनू सूदच्या पत्नीच्या कारला भीषण अपघात, मुंबई-नागपूर महामार्गावर घडली घटना

अभिनेता सोनू सूदची पत्नी सोनालीच्या कारला नागपूर महामार्गावर भीषण अपघात झाला. अपघातात सोनाली जखमी झाली असून तिच्यावर नागपूरमधील मॅक्स रुग्णालयात उपचार सुरू आहेत. सोमवारी रात्री उशिरा हा अपघात झाला. अपघातात कारचे मोठे नुकसान झाले आहे.

बहिण आणि भाच्यासोबत सोनाली सोमवारी रात्री नागपूरला चालली होती. सोनालीचा भाचा गाडी चालवत होता. यावेळी नागपूर महामार्गावर सोनालीची कार एका ट्रकवर आदळली. या अपघातात सोनाली आणि तिचा भाचा दोघे जखमी झाले आहेत. तर सोनालीची बहिण किरकोळ जखमी झाली.

सोनाली आणि तिच्या भाच्याला उपचारासाठी नागपूरमधील मॅक्स रुग्णालयात दाखल करण्यात आले आहे. दोघांनाही पुढील 48-72 तासांसाठी डॉक्टरांच्या देखरेखीखाली ठेवण्यात येणार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.