नैतिकता की वैद्यकीय कारण? अजित पवार आणि धनंजय मुंडेंपैकी खरं कुणाचं?

बीड जिल्ह्याती केज तालुक्यातील मस्साजोगचे सरपंच संतोष देशमुख यांच्या निर्घृण हत्येचे फोटो समोर आल्यानंतर धनंजय मुंडे यांनी अखेर मंत्रीपदाचा राजीनामा दिला. धनंजय मुंडे यांनी नैतिकतेवर राजीनामा दिलेला आहे, असे उपमुख्यमंत्री अजित पवार यांनी सांगितले. पण धनंजय मुंडे यांनी ट्विट करत वैद्यकीय कारणास्तव राजीनामा दिल्याचे म्हटले आहे. त्यामुळे खरं काय आहे? असा प्रश्न उपस्थित केला जात आहे.

Santosh Deshmukh case- अखेर धनंजय मुंडे यांचा राजीनामा; महाराष्ट्रात उसळलेल्या संतापानंतर सुरू झाल्या हालचाली

काय म्हटलंय धनंजय मुंडेंनी?

बीड जिल्ह्यातील मस्साजोगचे स्व. संतोष देशमुख यांच्या निर्घृण हत्येतील आरोपींना कठोरात कठोर शिक्षा व्हावी, ही माझी पहिल्या दिवसापासूनची ठाम मागणी आहे. काल समोर आलेले फोटो पाहून तर मन अत्यंत व्यथित झाले. या प्रकरणाचा तपास पूर्ण झाला असून आरोपपत्र न्यायालयात दाखल झाले आहे. तसेच, न्यायालयीन चौकशीही प्रस्तावित आहे. माझ्या सदसद् विवेक बुद्धीला स्मरून आणि मागील काही दिवसांपासून माझी प्रकृती ठीक नसल्याने पुढील काही दिवस उपचार घेण्याचा सल्ला डॉक्टरांनी दिला आहे. त्यामुळे वैद्यकीय कारणास्तव सुद्धा मी मंत्रिमंडळातून माझ्या मंत्रिपदाचा राजीनामा मुख्यमंत्री महोदयांकडे दिला आहे, असे धनंजय मुंडे यांनी ट्विटमध्ये म्हटले आहे.

बीड जिल्ह्यातील मस्साजोगचे स्व. संतोष देशमुख यांच्या निर्घृण हत्येतील आरोपींना कठोरात कठोर शिक्षा व्हावी, ही माझी पहिल्या दिवसापासूनची ठाम मागणी आहे. काल समोर आलेले फोटो पाहून तर मन अत्यंत व्यथित झाले.

या प्रकरणाचा तपास पूर्ण झाला असून आरोपपत्र न्यायालयात दाखल झाले आहे. तसेच,…

— Dhananjay Munde (@dhananjay_munde) March 4, 2025

धडधडीत पुरावे असतानाही फडणवीस खोटं बोलत असतील तर…, संजय राऊत यांनी फटकारले