मुंबई महापालिकेच्या केईएम रुग्णालयाच्या शताब्दी वर्षासाठी तयार करण्यात आलेल्या सर्व प्रवेशद्वारांवरील मजकूर इंग्रजी भाषेत ठेवून राज्य सरकार आणि पालिकेने मराठी भाषेचा अवमान केला आहे. केईएमसमोरील इंग्रजी फलक तत्काळ हटवा अन्यथा आम्हीच हे फलक उखडून टाकू, असा इशारा शिवसेनेच्यावतीने आज केईएम रुग्णालयाच्या प्रशासनाला देण्यात आला आहे.
शताब्दी वर्षानिमित्त केईएम रुग्णालयासमोर तयार करण्यात आलेल्या सर्व प्रवेशद्वारांवरील मजकूर इंग्रजी भाषेत ठेवून राज्य सरकार आणि पालिकेने मराठीचा अवमान केला आहे. मराठीला अभिजात दर्जा मिळूनही तिची व्यवहारात होत असलेली अवहेलना राज्य सरकारला रोखता आलेली नाही. या पार्श्वभूमीवर शिवसेनेच्यावतीने आज केईएम रुग्णालयाच्या प्रशासनाची भेट घेण्यात आली. तातडीने इंग्रजी प्रवेशद्वार हटवले नाहीत तर शिवसेना आमदार अजय चौधरी यांच्या नेतृत्वाखाली आंदोलन करून सदर प्रवेशद्वार उखडून टाकेल, असा इशारा देण्यात आला. शिवसेनेच्यावतीने यासंदर्भातील निवेदन केईएमच्या प्रशासनाचे प्रमुख डॉ. पाठक आणि डॉ. मोहन देसाई यांना देण्यात आले. या वेळी माजी नगरसेवक अनिल कोकीळ, दत्ता पोंगडे, शाखाप्रमुख किरण तावडे, जयसिंग भोसले, मिनार नाटळकर आदी उपस्थित होते.
Comment List