एआय व्हिडीओंवर विश्वास ठेवू नका! विद्या बालनचा डीपफेक व्हिडीओ व्हायरल

बॉलीवूड अभिनेत्री विद्या बालनचा डिपफेक व्हिडीओ व्हायरल झाला असून अभिनेत्रीने सोशल मीडिया पोस्टद्वारे याची माहिती दिली आहे. अभिनेत्रीने शेअर केलेल्या डीपफेक व्हिडीओमध्ये ती सांगते की, ’नमस्कार, मी तुमची आवडती विद्या बालन आहे. आज मी तुम्हाला…’. त्यावर लाल रंगांनी फुली मारून ’स्पॅम अलर्ट’ असे लिहिले आहे. व्हिडीओच्या कॅप्शनच्या माध्यमातून अभिनेत्रीने चाहत्यांना हा व्हिडीओ खोटा असल्याचे सांगत अशा व्हिडीओंवर विश्वास न ठेवण्याचे आवाहन केले.

सध्या सोशल मीडियावर आणि व्हॉट्सअॅपवर अनेक व्हिडीओ व्हायरल होत आहेत, ज्यामध्ये मी दिसत आहे. हे व्हिडीओ खोटे असून एआय निर्मित आहेत. माझा या व्हिडीओंशी काडीमात्र संबंध नाही. त्यामुळे मी सर्वांना विनंती करते की, व्हिडीओ शेअर करण्याआधी त्यामध्ये असलेल्या माहितीची पडताळणी करा. एआयने बनवलेले व्हिडीओ दिशाभूल करणारे असतात, असे विद्याने सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.