Samarth Jurel on Dating: ‘बिग बॉस १७’ या रिअॅलिटी शोच्या माध्यमातून प्रेक्षकांच्या मनात घर करणारा अभिनेता म्हणजे समर्थ जुरेल. तो त्याच्या बिनधास्त आणि मनमोकळ्या स्वभावासाठी ओळखला जातो. आज समर्थला कोणत्याही वेगळ्या ओळखची गरज नाही. पण सध्या समर्थ हा एका वेगळ्या कारणामुळे चर्चेत आहे. त्याने नुकताच एका मुलाखतीमध्ये ‘रात्री फक्त २ तासांसाठी गर्लफ्रेंडची गरज वाटते’ असे खळबळजनक वक्तव्य करत सर्वांचे लक्ष वेधून घेतले आहे.
बिग बॉसच्या घरात असतानाच समर्थ जुरेल आणि ईशा मालविश यांच्या नात्याची जोरदार चर्चा रंगली होती. त्यांनी बिग बॉसच्या घरात प्रेमाची कबुली देत आधीपासूनच एकमेकांना डेट करत असल्याचे सांगिते होते. पण शो संपल्यानंतर दोघांचा ब्रेकअप झाल्याचे समोर आले होते. ईशा मालविशसोबत ब्रेकअप झाल्यानंतर समर्थ कोणालाही डेट करत नाही. या सगळ्या गोष्टींसाठी त्याच्याकडे वेळ नसल्याचे समर्थने नुकताच सांगितले आहे.
समर्थने पारस छाबडाच्या पॉडकास्टमध्ये नुकतीच हजेरी लावली. या पॉडकास्टमध्ये त्याने खासगी आयुष्यातील अनेक गोष्टींवर वक्तव्य केले. त्याने सांगितले की, ईशानंतर त्याने कोणालाही डेट केलेले नाही. ‘माझ्याकडे या गोष्टींसाठी अजिबात वेळ नाही आणि मी सध्या कामात व्यग्र आहे. रिलेशनशीपमध्ये येण्यासाठी मला वेळच मिळाला नाही. मला कामात व्यस्त राहणे आवडत आहे’ असे समर्थ म्हणाला. पण समर्थच्या या वक्तव्यावर पारसचा विश्वासच बसत नव्हता.
या पॉडकास्टमध्ये समर्थने सांगितले की केवळ दोन तासांसाठी कोणीतरी गर्लफ्रेंड असावी असे त्याला सतत वाटते. ‘मला एखाद्या मुलीला गर्लफ्रेंड बनवण्याची इच्छा होते. रात्री केवळ दोन तासांसाठी गर्लफ्रेंड असावी असे वाटते’ असे समर्थ म्हणाला. ते ऐकून पारस छाबडाला धक्का बसला. त्यानंतर समर्थने स्वत:ची बाजू सांभाळण्याचा प्रयत्न केला. त्याने पुढे म्हटले की, ‘जेव्हा मी रात्री पार्टीसाठी जातो तेव्हा इतर मित्रांच्या गर्लफ्रेंड त्यांच्यासोबत असतात. ते पाहून माझी देखील गर्लफ्रेंड असावी असे वाटते.’
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List