वडिलांसोबत विवाहबाह्य प्रेमसंबंध ठेवल्याच्या रागातून एका अल्पवयीन मुलाने वडिलांच्या प्रेयसीची हत्या केल्याची घटना कोलकातात उघडकीस आली. याप्रकरणी अल्पवयीन मुलासह गुन्ह्यात मदत केल्याप्रकरणी त्याच्या आईसह अन्य एकाला पोलिसांनी अटक केली आहे. पूर्व कोलकात्यातील एका वर्दळीच्या रस्त्यावर गुरुवारी संध्याकाळी ही घटना घडली.
आरोपीचे वडील आणि पीडिता कारमध्ये बसले असताना मुलगा आणि आईने त्यांना रंगेहाथ पडकले. यानंतर मुलाने पीडितेला कारमधून बाहेर ओढले आणि तिच्यार हल्ला केला. यानंतर पीडिता जीव वाचवण्यासाठी पळत होती. तसेच मदतीसाठी याचना करत होती. आरोपीने महिलेचा पाठलाग करून तिच्यावर हल्ला केला.
पीडितेला गंभीर जखमी अवस्थेत सरकारी एनआरएस मेडिकल कॉलेज आणि रुग्णालयात दाखल करण्यात आले. तिच्या मानेवर आणि हातावर खोलवर जखमा होत्या. तिच्यावर शस्त्रक्रिया करण्यात आल्या. मात्र उपचारादरम्यान तिचा मृत्यू झाला. याप्रकरणी पोलिसांनी 16 वर्षीय मुलगा, त्याची आई आणि अन्य एका 22 वर्षाच्या साथीदाराला अटक केली आहे.
Comment List