बॉलीवूडचा गायक सोनू निगम त्याच्या रोखठोक विधानांसाठी प्रसिद्ध आहे. नुकतेच त्याने गायकांना पद्मश्री पुरस्कार न मिळाल्याने प्रश्न उपस्थित केले होते. आता तर तो संगीतकार ए. आर रहमान विषयी असे काही बोलला की चाहत्यांनीही आश्चर्य व्यक्त केले आहे.
सोनू निगम हा लोकप्रिय गायक आहे. तर ए.आर रहमान हे लोकप्रिय संगीतकाराबरोबरच त्यांनी काही गाणीही गायली आहेत. त्यामध्ये रहना तू, तेरे बिना, ख्वाजा मेरे ख्वाजा सारख्या गाण्यांचा समावेश आहे. ते 1990 पासून काम करत आहेत. त्यामुळे जेव्हा एखाद्यासोबत जास्त काम केल्यानंतर त्या व्यक्तीला आपण जास्त ओळखू लागतो. अशातच सोनू निगम याने एका मुलाखतीत ए. आर रहमान चांगले गायक नसल्याचा खुलासा केला. सोनू निगम याने 02 इंडियाला दिलेल्या एका मुलाखतीत ए. आर रहमान यांच्याविषयी वक्तव्य केले आहे. ते म्हणाले की, रहमान यांनी गायकीचे प्रशिक्षण घेतलेले नाही. मात्र, त्यांच्या आवाजातील स्वर चांगला आहे. त्यांच्या म्हणण्यांनुसार ए. आर रहमान स्वत: सोनूच्या या मताशी सहमती दाखवतील आणि ते चांगले गायक नसल्याचे मान्यही करतील.
सोनू निगम याने आपला मुद्दा स्पष्ट करत म्हटले की, ‘अर्थातच ए. आर रहमान प्रशिक्षित गायक नाहीयेत. त्यांचा आवाज चांगला आहे, ते स्वतः कधीही स्वतःला महान गायक म्हणणार नाहीत. मग आपण याबद्दल काय म्हणू शकतो? ते एक उत्तम संगीतकार आहेतच आणि म्हणूनच ते नेहमीच सुरात असतात. संगीताशी संबंधित लोकांसाठी सुरात राहणे ही एक महत्त्वाची गोष्ट आहे. जर कोणी सुरात नसेल तर त्याच्या आवाजाला काही अर्थ नाही. सोनू निगम पुढे म्हणाला, ‘त्यांचा आवाज भलेही चांगला नसेल, पण ते नेहमीच सुरात असतात कारण ते ए.आर रहमान आहेत. रहमानच्या गायनाबद्दल बोलताना सोनू निगमने एका घटनेची आठवण केली. ते म्हणाले रहमान यांच्या परवानगीने जोधा अकबर चित्रपटातील ‘इन लम्हो’ या गाण्याचा एक छोटासा भाग लिहिला आहे. जेव्हा सोनूने गाण्याचा तो छोटासा भाग लिहिला तेव्हा रहमानला तो आवडला आणि तो गाण्यात जोडण्यात आला.
Comment List