भरधाव इनोव्हा व्हॅनला धडक देत ट्रकखाली घुसली, चौघांचा मृत्यू; सात जखमी

भरधाव इनोव्हा कार व्हॅनला धडक देत ट्रकखाली घुसून झालेल्या भीषण अपघातात चौघांचा जागीच मृत्यू झाला. यात सात जण जखमी झाले. उत्तर प्रदेशातील लखनऊमध्ये चिनहाट येथील देवा रोडवर गुरुवारी रात्री ही घटना घडली. मृतांमध्ये एक महिला आणि दोन पुरुषांचा समावेश आहे. किरण यादव, कुंदन यादव, बंटी यादव आणि शोभित यादव अशी मयतांची नावे आहेत.

अपघाताची माहिती मिळताच पोलिसांनी घटनास्थळी धाव घेत मदतकार्य सुरू केले. जखमींना उपचारासाठी जवळच्या रुग्णालयात दाखल करण्यात आले आहे. मयत चौघेजण रुग्णालयातून घरी परतत असताना मागून येणाऱ्या इनोव्हा कारने त्यांच्या व्हॅनला जोरदार धडक दिली. यानंतर इनोव्हा ट्रकखाली घुसली. या अपघातात इनोव्हाचा चक्काचूर झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.