मध्य रेल्वेचा मेगा ब्लॉक, थेट एक्स्प्रेस गाड्यांवर होणार परिणाम, असे असणार नियोजन

Mumbai Railway Mega Block: मध्य रेल्वेच्या मुंबई विभागाकडून रविवार १९ जानेवारी २०२५ रोजी मेगा ब्लॉकचे आयोजन केले आहे. विविध अभियांत्रिकी आणि देखभाल दुरुस्तीच्या कामासाठी उपनगरीय विभागाच्या मार्गावर मेगा ब्लॉक असणार आहे. त्याचा परिणाम एक्स्प्रेस गाड्यांवर होणार आहे. पाच तास एक्स्प्रेस गाड्या धीम्या गतीने धावणार आहे. माटुंगा येथील मुलुंड अप आणि डाऊन जलद मार्गावर सकाळी ११.३० ते दुपारी ३.३० पर्यंत कामे चालणार आहे. पायाभूत सुविधांच्या देखभालीसाठी आणि सुरक्षिततेसाठी हे मेगा ब्लॉक करण्यात आल्याचे रेल्वेकडून स्पष्ट करण्यात आले आहे.

असे असणार नियोजन

१९ जानेवारी रोजी छत्रपती शिवाजी महाराज टर्मिनस मुंबई येथून सकाळी १०.५८ ते दुपारी ३.१० या वेळेत सुटणाऱ्या डाउन जलद मार्गावरील सेवा माटुंगा येथे डाउन धिम्या मार्गावर वळवण्यात येणार आहेत. माटुंगा आणि मुलुंड स्थानकांदरम्यान त्यांच्या संबंधित थांब्यांवर थांबतील. या गाड्या नियोजित वेळेच्या १५ मिनिटे उशिराने गंतव्यस्थानी पोहोचणार आहे. ठाण्याच्या पुढे धावणाऱ्या जलद गाड्या मुलुंड स्थानकात डाऊन जलद मार्गावर वळवण्यात येतील.

अप मार्गाचे असे असणार नियोजन

ठाणे येथून सकाळी ११.२५ ते दुपारी ३.२७ या वेळेत सुटणाऱ्या अप जलद मार्गावरील सेवा मुलुंड येथे अप धिम्या मार्गावर वळवण्यात येणार आहेत. मुलुंड आणि माटुंगा स्थानकांदरम्यान त्यांच्या संबंधित थांब्यांवर थांबून माटुंगा येथे अप जलद मार्गावर वळवण्यात येतील.

हार्बर मार्गावर असणार मेगा ब्लॉक

अप आणि डाऊन ट्रान्स हार्बर मार्गावर ठाणे आणि वाशी/नेरूळ स्थानकांदरम्यान सकाळी ११.१० ते सायंकाळी ४.१० पर्यंत
वाशी/नेरूळ आणि ठाणे स्थानकांदरम्यान अप व डाउन ट्रान्स हार्बर मार्गावरील सेवा ब्लॉक कालावधीत रद्द राहतील.
ठाणे येथून सकाळी १०.३५ ते दुपारी ४.०७ दरम्यान वाशी/नेरूळ/पनवेलसाठी डाऊन मार्गावरील सेवा आणि
पनवेल/नेरूळ/वाशी येथून सकाळी १०.२५ ते सायंकाळी ४.०९ दरम्यान ठाणे साठी सेवा रद्द असतील.

Tags: महाराष्ट्र राजकारण मुंबई महानगर

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.