वृद्धाश्रमात फुलली प्रेमकहाणी; 71 वर्षांचा वर, 65 वर्षांच्या वधूने थाटामाटात केले लग्न

प्रेम करण्याला ना वयाचे बंधन असते ना कोणती सीमा. याचा प्रत्यय नुकताच एका वृद्धाश्रमात आला. आसामच्या गुवाहाटी येथील एका वृद्धाश्रमात अशीच प्रेम कहानी फुलली. अखेर दोघांनीही उतार वयात लग्न करण्याचा निर्णय घेतला. वराचे नाव पद्मेश्वर असून वय 71 वर्षे, तर वधूचे नाव जयप्रभा असून वय 65 वर्षे आहे. पद्मेश्वर आणि जयप्रभा हे दोघेही वृद्धाश्रमात राहत होते. याच ठिकाणी या दोघांचे प्रेमसंबंध जुळले. जयप्रभा यांना गायनाची आवड आहे. वृद्धाश्रमात दाखल झाल्यानंतर त्या एक गाणे गुणगुणत होत्या. त्यांचा आवाज ऐकून पद्मेश्वर हे फिदा झाले. दोघे समोरासमोर आल्यानंतर त्यांच्या नात्यात घट्ट मैत्री झाली. मैत्रीचे रूपांतर प्रेमात झाले. अखेर दोघांनीही लग्न करण्याचा निर्णय घेतला. दोघांचे धुमधडाक्यात लग्न लावून दिले. या विवाहाला 4 हजार जणांची उपस्थिती होती. हळद, मेहंदीसह संपूर्ण विवाह रीतिरिवाजाप्रमाणे पार पडला. या नवदांपत्यसाठी वृद्धाश्रमात एक वेगळी खोली दिली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.