हिंदुस्थानी युवतींपुढे इंग्लंडचे कडवे आव्हान; आज हिंदुस्थानी महिलांचा उपांत्य सामना

19 वर्षांखालील युवतींच्या टी-20 विश्वचषक’ स्पर्धेच्या उपांत्य फेरीत धडक मारलेल्या हिंदुस्थानी संघापुढे इंग्लंडचे कडवे आव्हान असणार आहे. या स्पर्धेमध्ये हिंदुस्थानने अद्याप एकही सामना गमावला नसल्याने विजयी मालिका कायम ठेवून अंतिम सामन्यात प्रवेश करण्याच्या उद्देशानेच हिंदुस्थानी संघ मैदानात उतरणार आहे.

पहिल्या सामन्यात यजमान मलेशियाला दहा विकेट्सने पराभूत केल्यानंतर हिंदुस्थानने लंकेवर 60 धावांनी मात केली. त्यानंतर बांगलादेशला आठ विकेटनी पराभव केला, तर सुपर सिक्स टप्प्यात स्कॉटलंडवर 150 धावांनी मात केली. निक्की प्रसादच्या नेतृत्वाखालील संघात त्रिशाने स्कॉटलंडविरुद्ध 59 चेंडूंत 110 धावांची तुफानी खेली केली होती. त्रिशाने स्पर्धेत पाच सामन्यांमध्ये 76.66 च्या सरासरीने 230 धावा केल्या आहेत. इंग्लंडची फलंदाज डेविना पेरिन 131 धावांसह दुसऱया स्थानावर आहे, मात्र उद्याच्या सामन्यात इंग्लंडच्या फलंदाजांचे तगडे आव्हान हिंदुस्थानी गोलंदाजांपुढे असेल.

संभाव्य संघ

हिंदुस्थान: निक्की प्रसाद (कर्णधार), सानिया चाळके, गोंगडी त्रिशा, जी. कमलिनी, भाविका अहिरे, ईश्वरी आवासरे, मिथिला विनोद, जोशिता व्हीजे, सोनम यादव, पारुनिका सिसोदिया, केसरी धृती, आयुषी शुक्ला, आनंदिता किशोर, एम.डी. शबनम, वैष्णवी एस.

इंग्लंड: अॅबी नॉरग्रोव्ह (कर्णधार), पह्बी ब्रेट, ऑलिव्हिया ब्रिस्डन, टिली कोर्टनी कोलमन, टडी जॉन्सन, केटी जोन्स, शार्लेट लॅम्बर्ट, इव्ह ओ’नील, डेव्हिना पेरिन, जेमिमा स्पेन्स, शार्लेट स्टब्ज, अमृता सुरेनकुमार, प्रीशा ठाणावाला, एरिन थॉमस, ग्रेस थॉम्पसन.