मुंबई विद्यापीठाचा भोंगळ कारभार; ऐनवेळी हॉल तिकीट, आसन व्यवस्था समजल्यानं विद्यार्थ्यांचा उडाला गोंधळ

मुंबई विद्यापीठ दूरस्थ शिक्षण विभाग (IDOL) च्या वतीने आज मंगळवार, 14 जानेवारी 2025 रोजी होणाऱ्या एमए., एमकॉम, एमएससी. यासह तेरा विषयांची पहिल्या सत्राची परीक्षा होणार आहे. परंतु विद्यार्थ्यांच्या प्रवेशपत्र(Hall Ticket),परीक्षेला बसण्याची व्यवस्था याची माहिती IDOL येथे अगदी वेळेवर देण्यात येत आहे. याबाबी किमान तीन दिवस अगोदर होणे गरजेचे होते. परंतु तसे न झाल्यानं परीक्षेला येणाऱ्या विद्यार्थ्यांचा गोंधळ उडाल्याचं चित्र पाहायला मिळालं.

यासंदर्भात बोलताना युवासेना सिनेट सदस्य प्रदीप सावंत यांनी, ‘मुंबई विद्यापीठाचे सर्व अधिकारी राजकारण करण्यात मश्गूल असून विद्यार्थ्यांना वाऱ्यावर सोडले आहे, पुन्हा एकदा मुंबई विद्यापीठाच्या IDOL विभागाचा आणि विद्यापीठाचा भोंगळ कारभार समोर आला आहे’, अशा शब्दात टीका केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.