हिंदुस्थानच्या अ‍ॅक्शनने पाकिस्तानमध्ये घबराट, सैन्यप्रमुख असीम मुनीरने खासगी विमानाने कुटुंबाला देशाबाहेर केले रवाना

पहलगाम दहशतवादी हल्ल्यानंतर हिंदुस्थानच्या कारवाईमुळे पाकिस्तनामध्ये घबराट निर्माण झाली आहे. पाकिस्तानचे सैन्यप्रमुख जनरल असीम मुनीर यांनी कुटुंबाला परदेशात पाठवले आहे. ‘एबीपी न्यूज’ने सूत्रांच्या हवाल्याने हे वृत्त दिलं आहे. एबीपी न्यूजच्या वृत्तानुसार, पाकिस्तानच्या अनेक लष्करी अधिकाऱ्यांनी त्यांच्या कुटुंबियांना खाजगी विमानाने ब्रिटन आणि न्यू जर्सीला पाठवले आहे.

पहलगाम दहशतवादी हल्ल्याच्या 48 तासांच्या आत गुरुवारी हिंदुस्थानने युद्धनौका आयएनएस सूरत वरून क्षेपणास्त्र चाचणी केली. ज्यामुळे शत्रू राष्ट्रांना कडक संदेश गेला आहे. दरम्यान, पहलगाम दहशतवादी हल्ल्यानंतर संपूर्ण देश पाकिस्तानवर कठोर कारवाईची मागणी करत आहे. देशातील सर्व राजकीय पक्षही या मुद्द्यावर केंद्र सरकारसोबत आहेत. आता सरकार यावर पुढे काय पाऊल उचलणार, याकडे सगळ्यांचं लक्ष लागलं आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.