धर्मवीर छत्रपती संभाजी महाराज व कवी कलश यांच्या समाधीची महापूजा, अभिषेक, मूक पदयात्रा, प्रवचन, कीर्तन, महाप्रसाद, विविध पुरस्कार वितरण अशा उपक्रमांद्वारे छत्रपती संभाजी महाराज यांच्या 336व्या पुण्यतिथीनिमित्त अभिवादन करण्यात आले. संभाजी महाराजांना अभिवादन करण्यासाठी अलोट जनसागर लोटला!
हवेली तालुक्यातील श्री क्षेत्र तुळापूर व शिरूर तालुक्यातील वढू बुद्रुक येथे धर्मवीर छत्रपती श्री संभाजी महाराज यांना अभिवादन करण्यासाठी शंभुभक्तांनी पहाटेपासूनच रांगा लावल्या होत्या. सकाळी 10नंतर शंभुभक्तांचा तर जनसागरच लोटला होता. सर्वत्र शंभुराजेंचा जयघोष आवाज घुमत होता. या वेळी उपमुख्यमंत्री अजित पवार, खासदार उदयनराजे भोसले, जिल्हाधिकारी जितेंद्र डुड्डी, आमदार महेश लांडगे, आमदार माउली कटके, पेंद्रीय मंत्री मुरलीधर मोहळ, माजी आमदार अशोक पवार आदी उपस्थित होते.
z पहाटे तुळापूर व वडु येथे धर्मवीर छत्रपती संभाजी महाराज व कवी कलश यांच्या समाधीची महापूजा आणि अभिषेक करण्यात आला. सकाळी 7 वाजता मूक पदयात्रा काढण्यात आली. 9 ते 11 ह.भ.प. अक्षय महाराज भोसले यांचे प्रवचन झाले. वढू बुद्रुक महंत प.पू. श्रीरामगिरी महाराज यांना धर्मवीर छत्रपती संभाजी महाराज पुरस्कार व रोख 51 हजार रुपये देण्यात आले. आमदार महेश लांडगे यांना श्री शंभुतेज पुरस्कार, तर सुधीर बाळसराफ व महेश भुईवार यांना शंभुसेवा पुरस्कार प्रदान करण्यात आला.
Comment List