महायुती सरकारमधील नेत्यांचे एक एक कारनामे रोज समोर येत आहेत. राष्ट्रवादी काँग्रेस अजित पवार गटाचे नेते, माजी मंत्री धनंजय मुंडे यांच्यावर सामाजिक कार्यकर्त्या अंजली दमानिया यांनी कृषी घोटाळ्याचे आरोप केले होते. तर दुसरीकडे मंत्री जयकुमार रावल यांनी थेट माजी राष्ट्रपती प्रतिभाताई पाटील यांचीच जमीन हडपल्याचे समोर आले होते. अनिल गोटे यांनी हा आरोप केला होता. अशातच आता भाजपचे आमदार गोपिचंद पडळकर यांच्यावरही देवस्थानची जमीन लाटल्याचा आरोप करण्यात झाला आहे. समाजिक कार्यकर्ते राम खाडे यांनी कागदपत्रांसह हा आरोप केल्याने खळबळ उडाली आहे.
भाजप नेते, उच्च व तंत्रशिक्षण मंत्री चंद्रकांत पाटील आणि संतोष देशमुख हत्याकांडावरून धनंजय मुंडे यांच्याविरोधात रान उठवणारे सुरेश धस, प्रकाश सोळंके यांच्या मंत्रि‍पदाच्या कार्यकाळामध्ये औंध देवस्थानची जमीन खालसा करण्याचा व्यवहार पार पडला. त्यामुळे गोपीचंद पडळकरच नव्हे तर संबंधित मंत्र्यांचीही चौकशी झाली पाहिजे, अशी मागणी राम खाडे यांनी केली. यावेळी खाडे यांनी जमिनीच्या व्यवहाराची कागदपत्रेही माध्यमांसमोर दाखवली.
हा थेट धार्मिक संस्थेच्या जमिनीवर डल्ला मारण्याचा प्रकार असून गोपीचंद पडळकर यांच्यावर तातडीने गु्न्हा दाखल करावा. तसेच या प्रकरणात त्यांना मदत करणाऱ्या चंद्रकांत पाटील यांनीही मंत्रीपदाचा राजीनामा द्यावा, अशी मागणीही त्यांनी केली.
मंत्री जयकुमार रावल यांचा सरकारला पावणेतीन कोटींचा गंडा, डाळिंब लागवडीच्या नावाने नुकसानभरपाई घेतली
दरम्यान, यावर गोपीचंद पडळकर यांनीही प्रतिक्रिया दिली आहे. हे प्रकरण जुने असून रीतसर परवानगी घेऊनच सगळा व्यवहार झाल्याचे स्पष्टीकरण त्यांनी दिले.
मृत महिलेला जिवंत दाखवत 10 एकर जमीन हडपली; जयकुमार रावल यांच्यावर अनिल गोटे यांचा आरोप
Comment List