आज जगभरात महिला दिन हा मोठ्या धुमधडाक्यात साजरा केला जात आहे. अनेकजण सोशल मीडियावर महिलांसाठी खास पोस्ट शेअर करत शुभेच्छा देताना दिसत आहेत. यामध्ये कलाकारांचा देखील समावेश आहे. दरम्यान, अभिनेत्री विशाखा सुभेदारने शेअर केलेल्या व्हिडीओने सर्वांचे लक्ष वेधले आहे. या व्हिडीओमध्ये तिने गाडी चालवतानाचा अनुभव सांगितला आहे. हा अनुभव ऐकून सर्वजण चकीत झाले आहेत.
विशाखाने तिच्या अधिकृत इन्स्टाग्राम अकाऊंटवर ‘विशाखा के विचार’ असे म्हणत जागतिक महिला दिनाच्या शुभेच्छा दिल्या आहेत. या व्हिडीओमध्ये विशाखा गाडी चालवताना दिसत आहे. गाडी चालवत असताना विशाखाने आधी गाडी चालवतानाचा अनुभव सांगितला आहे. ‘लेडी ड्रायव्हर म्हटल्यावर लोक फार हलक्यात घेतात. तसेच त्यांचा अहंकारही दुखावला जातो. ही काय मला क्रॉस करणार? असे त्यांना वाटत असते. एकदा मी शूटिंगला जात होते. माझ्यामागे एक स्कॉर्पिओ गाडी होती. माझी नॅनो गाडी. माझ्या नॅनोने स्कॉर्पिओला ओव्हरटेक केलं. त्यात महिला ड्रायव्हर आहे म्हटल्यावर त्याचा (स्कॉर्पिओ चालकराचा) अहंकार इतका दुखावला गेला की तो ओव्हरटेक करुन, कट मारून मला पुढे गेला’ असे विशाखा म्हणाली.
पुढे ती म्हणाली, ‘तो पुढे जाऊन जिंकल्यासारख्या अविर्भावात एका सिग्नलला जाऊन थांबला. मी पुढे जाऊन काच खाली केली आणि त्याला म्हटलं की मला थोडं बोलायचं आहे. मी म्हटलं अरे तुम्ही अजून इथेच आहात. मला वाटलं तुम्ही आयच्या गावात पोहोचले असाल.’
नेटकऱ्यांनी केल्या कमेंट
हा व्हिडीओ शेअर करत विशाखाने, “Steering wheel समोर बसणं हे passion आणि जबाबदारीचं काम आहे. ते आपण स्त्रिया नक्कीच करू शकतो! चलाते राहो, आगे बढते राहो.. जागतिक महिला दिनाच्या तुम्हा सगळ्यांना शुभेच्छा!” असे कॅप्शन दिले आहे. सोशल मीडियावर विशाखाचा हा व्हिडीओ तुफान व्हायरल झाला आहे. या व्हिडीओवर अनेकांनी कमेंट केल्या आहेत. एका यूजरने, ‘बाईपण भारी देवा!! बाईपण भारी गं!!’ असे म्हटले आहे. तर दुसऱ्या एका यूजरने, ‘बहुतांश स्त्रिया नियमानुसारच वाहन चालवतात आणि तेच पुरुषांना जास्त खटकते.. गाडीचा रंग भन्नाट आहे’ अशी कमेंट केली आहे. तिसऱ्या एका यूजरने, ‘महिलांचे नेतृत्व आहे पण ते सन्मानासहित मान्य करायला हवे… महिला दिनाच्या खूप खूप शुभेच्छा’ अशी कमेंट केली आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
स्टँडअप कॉमेडियन कुणाल कामराच्या व्हिडीओवरून नवा वाद निर्माण झाला आहे. त्याने उपमुख्यमंत्री एकनाथ शिंदे यांच्यावर विडंबनात्मक टिका केली होती, त्यानंतर...
Comment List