अयोध्येत तुफान गर्दी, दोन भाविकांचा मृत्यू

प्रयागराज येथे सुरू असलेल्या महाकुंभमधून दररोज हजारोंच्या संख्येने भाविक अयोध्येत दाखल होत आहेत. अयोध्येत रामलल्लाच्या दर्शनासाठी तुफान गर्दी उसळत आहे. दरम्यान सोमवारी अयोध्येतील तुफान गर्दीमुळे दोन भाविकांचा मृत्यू झाल्याचे समोर आले आहे. यात एका महिलेचा व एका पुरुषाचा समावेश असून दोघांचेही वय 60 च्या वर असल्याचे समजते.

राममंदिरात जाणाऱ्या रस्त्यावर तब्बल दोन किलोमीटरच्या रांगा लागल्या आहेत. अयोध्येत येणारे सर्व रस्ते हे गर्दीने भरले आहेत. सोमवारी या गर्दीत एका महिलेला व पुरुषाला चक्कर आला. त्यांना ज्या ठिकाणी चक्कर आली तिथून हॉस्पिटल अवघे 500 मीटरवर होते मात्र त्यांना हॉस्पिटलमध्ये नेण्यासाठी बराच वेळ लागल्याचे समजते. या दोन्ही भाविकांचा मृत्यू हृदयविकाराच्या झटक्याने झाल्याचे सांगितले जाते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.