लष्कराचे वाहन दरीत कोसळले, महाराष्ट्राचा सुपुत्र शुभम घाडगे यांना वीरमरण

जम्मू-कश्मीरमधील पूंछ भागातील नियंत्रण रेषेजवळ बलनोई परिसरात मंगळवारी संध्याकाळी लष्कराचे वाहन दरीत कोसळून झालेल्या अपघातात पाच जवान शहीद झाले. यामध्ये 11 मराठा रेजिमेंटमध्ये देशसेवा करणारे कामेरी (ता. जि. सातारा) गावचे सुपुत्र शुभम समाधान घाडगे (28) हे देशसेवा बजावत असताना शहीद झाले.

शुभम यांच्या मृत्यूच्या बातमीने कामेरी गावासह पंचक्रोशी व संपूर्ण जिल्ह्यात हळहळ व्यक्त होत आहे. संपूर्ण कामेरी गाव आपल्या सुपुत्राला आलेल्या वीरमरणामुळे सुन्न झाले आहे. शुभमच्या पश्चात आई-वडील, पत्नी, मुलगी, भाऊ असा परिवार आहे. शुभमचे प्राथमिक शिक्षण जिल्हा परिषद प्राथमिक शाळा कामेरी येथे झाले. माध्यमिक शिक्षण शंकरराव आनंदराव घाडगे विद्यालय येथे, तर महाविद्यालयीन शिक्षण छत्रपती शिवाजी कॉलेज अपशिंगे मि. येथे होऊन पुढे तो लष्करात भरती झाला होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.