मराठा समाजाला बेजार केले त्यांची जिरवणारच!, मनोज जरांगे यांचा फडणवीसांवर हल्ला

मराठा समाजाला आरक्षणासाठी बेजार केले त्यांची जिरवणारच असा जोरदार हल्ला मराठा आरक्षण आंदोलनाचे नेते मनोज जरांगे यांनी उपमुख्यमंत्री देवेंद्र फडणवीस यांच्यावर आज केला. मराठय़ांचे मतदारसंघ ठरले असून ताकद आहे तिथे जोर लावणार, बाकी ठिकाणी पाडापाडी करणार, असा इशाराही जरांगे यांनी दिला आहे.

जरांगे यांनी आज उमेदवार देण्यात येणाऱ्या मतदारसंघांची घोषणा अंतरवाली सराटीतून केली. राजकारणाच्या नादात समाज हरता कामा नये. एक दोन दिवस माझ्यावर नाराज व्हायचे तर व्हा. पण उमेदवार पडून अपमान सहन करण्याची ताकद आपल्यात नाही, असे म्हणत मनोज जरांगे यांनी काही मतदारसंघांची घोषणा केली.

एससी-एसटीच्या उमेदवारांना मराठ्यांचे मतदान करायचे असे त्यांनी सांगितले. एखादा आमदार निवडून आला तरी तो आपल्यासाठी आधार ठरेल. 200 लढून पडण्यात अर्थ नाही. आपल्याला शत्रू खूप आहेत. निवडून आलेला आमदार विधानसभेत मराठा आरक्षण मुद्यावर भांडेल, असे जरांगे म्हणाले.

इथे उमेदवार देणार

फुलंब्री आणि कन्नड (संभाजीनगर)
बीड आणि केज (बीड)
परतूर (जालना)
पाथरी
हदगाव (नांदेड)
पुणे व दौंड

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.