अंधांच्या राष्ट्रीय क्रिकेट स्पर्धेत गुजरात विजेता

द ब्लाइंड वेल्फेअर ऑर्गनायझेशन आयोजित सियाराम क्रिकेट कप स्पर्धेच्या अंतिम फेरीत सरस धावगतीच्या आधारावर पोहोचलेल्या गुजरातने गोव्याचा 51 धावांनी पराभव करत अजिंक्यपद पटकावले.

गुजरातने प्रथम फलंदाजी करताना 4 बाद 221 अशी जबरदस्त धावसंख्या उभारली होती. मात्र गोव्याच्या संघाला या धावांचा पाठलागच करता आला नाही. त्यांचा डाव 7 बाद 170 धावांवरच रोखत गुजरातने जेतेपदावर आपले शिक्कामोर्तब केले. या स्पर्धेत विजेत्या संघाला रोख रक्कम व ट्रॉफी देऊन गौरविण्यात आले तर उपविजेत्या संघालाही रोख रक्कम व ट्रॉफी देऊन गौरविण्यात आले. या स्पर्धेत पूर्ण अंध गटात मालिकावीराचा मानकरी गोव्याच्या आफताब पटेल ठरला, तर अंशतः अंधांमध्ये जिना केसरीने हा मान मिळवला. या कार्यक्रमाला पवन पोतदार, आशीष काबरा व रोटरी क्लबचे पदाधिकारी उपस्थित होते. स्पर्धेच्या यशस्वी आयोजनासाठी विजया मराठे, अर्जुन मुद्दा, भगवान पवार व रेचल शिरसाठ यांनी विशेष परिश्रम घेतले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.