कोड स्कॅन करताच मृत व्यक्तींची संपूर्ण माहिती मोबाईलवर; जर्मनीत 1 हजार थडग्यांवर क्यूआर कोडचे स्टिकर

जर्मनीतील म्युनिक शहरातील एक अजब घटना समोर आली आहे. कब्रस्थानातील जवळपास 1 हजार थडग्यांवर आणि लाकडांच्या क्रॉसवर क्यूआर कोडचे स्टिकल लावलेले आढळले आहेत. या स्टिकर्सवरील क्यूआर कोड स्कॅन केल्यानंतर मृत व्यक्तीची संपूर्ण माहिती मोबाईलमध्ये मिळत आहे. उदा. मृत व्यक्तीचे नाव, थडग्याचे लोकेशन यासह अन्य माहिती उपलब्ध होत आहे.

कब्रस्थानात दफन करण्यात आलेल्या मृत व्यक्तीची माहिती मोबाईलवर मिळत असल्याने पोलिसांनी आश्चर्य व्यक्त केले आहे. परंतु, हे क्यूआर कोड नेमके कशासाठी लावले आणि कोणी लावले यासंबंधी अद्याप माहिती समोर आली नाही. म्युनिकच्या तीन कब्रस्तानात वाल्डफ्रीडहोफ, सेंडलिंगर फ्रीडहोफ आणि फ्रीडहोम सोल्नमध्ये जवळपास 1 हजार क्युआर कोड आढळून आले आहेत. हे स्टिकर्स दोन्ही जुन्या आणि नव्या कबरीवर मिळाली आहेत. काही ठिकाणी केवळ लाकडाचे क्रॉस होते. कब्रस्तानमधील थडग्यावर क्यूआर कोडचे स्टिकर्स चिपकवणे हे कायद्याचे उल्लंघन असून गुन्हा आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.