बालासोर येथे रेल्वे दुर्घटना; न्यू जलपैगुडी एक्स्प्रेस रुळावरून घसरली अन् विजेच्या खांबाला धडकली

देशात रेल्वे दुर्घटनांचे सत्र सुरूच असून बालासोर येथे रेल्वे दुर्घटना घडली आहे. बालासोर येथे न्यू जलपैगुडी एक्स्प्रेस रुळावरून घसरली. सबीरा पोलीस ठाण्याजवळ ही ट्रेन रुळांवरून घसरल्याची माहिती मिळाली आहे. रुळावरून घसरल्यानंतर ही ट्रेन एका विजेच्या खांबावर धडकली. सुदैवाने या अपघातात कुणीही जखमी झालेले नाही.

दक्षिण पूर्व रेल्वेच्या अधिकाऱ्यांनी याबाबत माहिती दिली की, या अपघातप्रकरणी अधिक तपास सुरू आहे. ही ट्रेन नेमकी कशी रुळांवरून घसरली, याची माहिती अद्याप मिळालेली नाही. आपघातात कुठल्याही प्रकारची जीवितहानी झालेली नाही. तसेच कोणीही जखमी झालेले नाही. अपघाताचे नेमके कारण तपास पूर्ण झाल्यानंतर समजणार असल्याचे सांगण्यात आले. या घटनेनंतर ट्रेनमधील प्रवासी बाहेर आले. तसेच अपघातस्थळी बघ्यांची मोठ्या प्रमाणात गर्दी झाली होती. अपघाताची माहिती मिळताच रेल्वेचे काही अधिकारी आणि पोलीस घटनास्थळी दाखल झाले. घसरलेल्या ट्रेनला रुळावर आणून वाहतूक सुरळीत करण्यासाठी रेल्वे प्रशासनाकडून प्रयत्न करण्यात येत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.