राज्यासह देशात बेरोजगारीची समस्या गंभीर होत आहे. अनेकजण पदवीधर आणि उच्चशिक्षित असूनही त्यांना नोकऱ्या मिळत नाही. बेरोजगारांना इंग्रजीचे ज्ञान नसल्याने आणि इंग्रजीबाबत न्यूनगंड असल्याने पदवीधरांना नोकऱ्या मिळत नसल्याचे नीती आयोगाच्या अहवालात म्हटले आहे. नीती आयोगाच्या अहवालात धक्कादायक दावा करण्यात आला आहे.
अनेक राज्यांमध्ये असलेल्या स्थानिक उद्योगात प्रामुख्याने राज्याबाहेरील प्रतिभावान लोकांना रोजगार मिळतो आणि याचे सर्वात मोठे कारण म्हणजे स्थानिक तरुणांमध्ये इंग्रजी भाषेचे अपुरे ज्ञान असल्याचे अहवलाता म्हटले आहे. अनेकांच्या मनात इंग्रजीची भीती असते. इंग्रजी येत नाही, याची भीती आणि न्यनगंड इतका तीव्र होतो की त्यामुळे नोकरी मिळत नाही. आता याचसंदर्भात नीती आयोगाचा अहवाल आला आहे.
इंग्रजी ही अनेक देशांमध्ये दळणवळणाची मुख्य भाषा बनली आहे. तसेच जागतिक भाषा असाही दर्जा या भाषेला मिळाला आहे. त्यामुळेच जगभरात इंग्रजीकडे ओढा वाढत आहे. त्यामुळे शहरांपासून खेड्यापाड्यातही मुलांना इंग्रजी माध्यमाच्या शाळेत घालण्याकडे पालकांचा कल आहे. आपल्याला इंग्रजीचे चांगले ज्ञान मिळाले नसल्याने आपण मागे पपडलो, अशी अनेकांची भावना असल्याने ते मुलांना इंग्रजी माध्यमांच्या शाळेत पाठवतात. देशातील अनेकांमध्ये इंग्रजीचा न्यूनगंड असल्याने पदवीधरांना न्यूनंगड मिळत नाही, असे नीती आयोगाच्या अहवालात अधोरेखीत करण्यात आले आहे.
पदवीधर तरुणांना नोकऱ्या मिळण्यात इंग्रजी भाषेचे अपुरे ज्ञान कारणीभूत आहे. नीती आयोगाने इंग्रजी आणि परदेशी भाषा प्रवीणता कार्यक्रम राबविण्यासाठी आंतरराष्ट्रीय भाषा संघटनांशी सहकार्य करण्याची शिफारस केली आहे. राज्य आणि सार्वजनिक विद्यापीठांच्या माध्यमातून दर्जेदार उच्च शिक्षणाचा विस्ताराबाबतचा अहवाल नीती आयोगाने 10 डिसेंबर रोजी प्रसिद्ध केला होता.
देशात उच्च शिक्षण घेणारे 80 टक्के विद्यार्थी सार्वजनिक विद्यापीठांमध्ये शिक्षण घेतात आणि म्हणूनच राष्ट्रीय शिक्षण धोरण (NEP) 2020 ची उद्दिष्टे साध्य करण्यासाठी त्यांच्या इंग्रजीकडे विशेष लक्ष देणे आवश्यक आहे, असेही या अहवालात म्हटले आहे. संबंधित नोकरीच्या कौशल्याच्या अभावामुळे राज्यांकडून “टॅलेंट ड्रेन” सह राज्य सार्वजनिक विद्यापीठांसमोरील अनेक आव्हाने या अहवालात नमूद करण्यात आली आहेत. अहवालात म्हटले आहे की अनेक राज्यांमध्ये असलेल्या स्थानिक उद्योगात प्रामुख्याने राज्याबाहेरून प्रतिभावान लोक काम करण्यासाठी येतात आणि याचे सर्वात मोठे कारण म्हणजे स्थानिक तरुणांमध्ये इंग्रजी भाषेचे अपुरे ज्ञान, हे कारण आहे.
नीती आयोगाने रोजगार कौशल्य वाढविण्याची गरजही व्यक्त केली आहे. विद्यार्थ्यांच्या रोजगार क्षमतेत वाढ करण्याची नितांत गरज आहे, त्यामुळे त्यांना राज्यात राहून केवळ प्रादेशिकच नव्हे तर राष्ट्रीय स्तरावरही चांगल्या संधी मिळतील, असे या अहवालात म्हटले आहे. या समस्येवर मात करण्यासाठी नीती आयोगाने विद्यार्थ्यांसाठी इंग्रजी आणि इतर परदेशी भाषा प्रवीणता कार्यक्रम राबविण्यासाठी आंतरराष्ट्रीय भाषा संघटनांशी भागीदारी करण्याची शिफारस केली आहे.
Comment List