अल्पवयीन मुलगी 19 वर्षाच्या मुलाच्या प्रेमात पडली, घरच्यांचा लग्नाला विरोध; जोडप्याने उचलले टोकाचे पाऊल

प्रेमविवाहाला घरच्यांचा विरोध असल्याने एका जोडप्याने ट्रेनखाली उडी घेत जीवन संपवल्याची घटना मुंबईत घडली. विक्रोळी स्थानकात रविवारी दुपारी ही घटना घडली. मुलगी 15 वर्षांची असून मुलगा 19 वर्षांचा आहे. मुलगी परप्रांतीय आहे तर मुलगा महाराष्ट्रातील आहे.

मयत जोडपे भांडुपमधील हनुमान नगर येथील रहिवासी आहेत. दोघांचे प्रेमसंबंध होते. मात्र त्यांच्या लग्नाला घरच्यांचा विरोध होता. त्यामुळे त्यांनी टोकाचे पाऊल उचलले. रविवारी दुपारी मुलगी आजीसोबत बाहेर गेली होती. तेथून ती गायब झाली. यानंतर मुलीच्या पालकांनी मुलगी बेपत्ता झाल्याची तक्रार पोलीस ठाण्यात नोंदवली.

पोलीस मुलीचा शोध घेत असताना रेल्वे पोलिसांनी याबाबत माहिती दिल्यानंतर सर्व प्रकरण समोर आलं. यानंतर परिसरात एकच खळबळ उडाली. पोलीस प्रकरणाचा सखोल तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.