कारवाईच्या भीतीने मिरकरवाडा बंदरातील नागरिकांनी हटवली अनधिकृत बांधकामे; मस्त्य विभागाच्या नोटीसचा परिणाम

मिरकरवाडा बंदरातील अनधिकृत बांधकामे हटवण्याच्या सूचना मत्स्य व्यवसाय विभागाने दिल्यानंतर शनिवारी काही नागरीकांनी आपली अनधिकृत बांधकामे स्वतःहून हटवली आहेत. एकूण 319 अनधिकृत बांधकामांना प्रशासनाने नोटीस बजावली होती. अद्यापही जी बांधकामे हटवली नाहीत, त्यांच्यावर सोमवारी कारवाई होणार आहे.

मिरकरवाडा बंदरात मोठ्या प्रमाणात अनधिकृत बांधकामे बांधण्यात आली होती. अशा 319 बांधकामांना काही दिवसांपुर्वीच मत्स्यविभागाने नोटीस बजावली होती. गुरुवार (दि.23 जानेवारी) ही अनधिकृत बांधकामे स्वतःहून हटवण्याची अंतिम मुदत होती. त्याचदिवशी सायंकाळी मिरकरवाड्यातील ग्रामस्थ मत्स्य व्यवसाय विभागाच्या कार्यालयावर धडकले. त्यावेळी अनधिकृत बांधकामे हटवण्यासाठी आणखी दोन दिवसांची मुदत देण्यात आली होती. त्यानंतर शनिवारी काही नागरीकांनी आपली बांधकामे हटवली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.