OnePlus चा ‘हा’ टॅब पहिल्यांदाच मिळत आहे 19,749 रुपयांमध्ये, किंमत आहे 40 हजार; जाणून घ्या काय आहे ऑफर

जर तुम्ही टॅबलेट खरेदी करण्याचा विचार करत असाल तर तुमच्यासाठी एक आनंदाची बातमी आहे. फ्लिपकार्टवर सुरू असलेल्या सेलमध्ये OnePlus चा एक जबरदस्त टॅबलेट सर्वात कमी किमतीत उपलब्ध आहे. ऑफर्सचा फायदा घेऊन तुम्ही हा टॅब 20 हजार रुपयांपेक्षा कमी किमतीत खरेदी करू शकता. आम्ही OnePlus Pad बद्दल बोलत आहोत. Flipkart Republic Day Bonanza sale मध्ये वनप्लस पॅड मोठ्या सवलतीसह उपलब्ध आहे. या व्हॅल्यू फॉर मनी डीलबद्दल सविस्तर माहिती जाणून घेऊ…

OnePlus Pad पॅड हिंदुस्थानात दोन प्रकारांमध्ये लॉन्च करण्यात आला होता. लॉन्चच्या वेळी याच्या 8GB + 128GB व्हेरिएंटची किंमत 37,999 रुपये होती आणि 12GB + 256GB व्हेरिएंटची किंमत 39,999 रुपये होती. OnePlus Pad चा 12GB + 256GB व्हेरिएंट सध्या Flipkart वर 22,249 रुपयांच्या किंमतीसह लिस्ट करण्यात आला आहे. तुम्ही HDFC बँक क्रेडिट कार्डद्वारे हा टॅब खरेदी केल्यास तुम्हाला 2,500 रुपयांची इन्स्टंट बँक सूट मिळू शकते. यानंतर याची किंमत 19,749 रुपये होईल. म्हणजेच लॉन्चच्या किंमतीपेक्षा 20,250 रुपयांनी कमी.

OnePlus Pad चे स्पेसिफिकेशन

OnePlus Pad मध्ये फुल HD+ रिझोल्यूशनसह 11.6-इंचाचा LCD डिस्प्ले, 144Hz रिफ्रेश रेट आणि 500 निट्स ब्राइटनेस आहे. हा टॅबलेट मीडियाटेक डायमेन्सिटी 9000 चिपसेटने सुसज्ज आहे. टॅबमध्ये 12 जीबी रॅम आणि 256 जीबी पर्यंत स्टोरेज मिळते. हा टॅबलेट फक्त वायफाय कनेक्टिव्हिटीला सपोर्ट करतो. यात 13-मेगापिक्सेलचा रियर कॅमेरा आहे, जो EIS ला सपोर्ट करतो आणि 30fps वर व्हिडीओ रेकॉर्ड करू शकतो. सेल्फी आणि व्हिडीओ कॉलिंगसाठी यात 8-मेगापिक्सेलचा फ्रंट-फेसिंग कॅमेरा देखील आहे.