फिल्म इंडस्टीत आजपर्यत अनेक अभिनेत्री कास्टिंग काऊच, लैंगिक शोषणाच्या शिकार झाल्या आहेत. काहींनी याबाबत मौन बाळगणं पसंत केलं, तर काहीनी स्त्रियांवरी लैंगिक अत्याचारावर वाचा फोडली. अशातच आता एका अभिनेत्रीने एका व्यावसायिकावर लैंगिक शोषणाचा आरोप केला आहे. अभिनेत्रीने या प्रकरणी पोलिसांत तक्रार दाखल केली आहे. दरम्यान पोलिसांनी या प्रकरणाची तत्काळ दखल घेत आरोपी व्यावसायिकाला अटक केली आहे.
हेमा समितीच्या अहवालातून आतापर्यंत अनेक मल्याळम चित्रपटसृष्टीतून लैंगिक शोषणाच्या अनेक घटना समोर आल्या आहेत. अशातच मल्याळम चित्रपटातील प्रसिद्ध अभिनेत्राी हनी रोझ हिने एका ज्वेलरी ब्रँडचा मालक असलेल्या उद्योपपती बॉबी चमनूरवर लैंगिक शोषण केल्याचा आरोप केला आहे. बॉबीने तिच्यासोबत अनेक वेळा गैरवर्तन केल्याचे तिने सांगितले. अश्लील संदेश, आक्षेपार्ह आणि अपमानास्पद कमेंट केल्याचाही दावा तिने केला आहे. हनी रोझने अनेक सोशल मीडिया पोस्टद्वारे उद्योगपती बॉबी चमनूरवर आरोप हे केले. यासंदर्भात तिने तक्रारही दाखल केली आहे.
अभिनेत्रीच्या तक्रारीवरून पोलिसांना बॉबी चमनूरला केरळमधील वायनाड येथून अटक केली. पोलीस सध्या या संदर्भात पुढील तपास करत आहेत. दरम्यान बॉबी यांना पोलिसांनी अटक केल्यानंतर त्यांनी स्वत: वरील सगळे आरोप फेटाळून लावले आहेत. मिळालेल्या माहितीनुसार, बॉबी चमनूर हे केरळचे एक मोठे उद्योगपती आणि ‘चमनूर इंटरनॅशनल ज्वेलर्स’चे मालक आहेत.
Comment List