भारतीय क्रिकेट संघातील स्टार क्रिकेटर शुभमन गिल त्याच्या दमदार खेळीसोबतच खासगी आयुष्यामुळेही सतत चर्चेत असतो. कधी अभिनेत्री सारा अली खान तर कधी सचिन तेंडुलकरची मुलगी सारा तेंडुलकरसोबत त्याचं नाव जोडलं गेलं. यात आता आणखी एक नाव चर्चेत आहे, ते म्हणजे प्रसिद्ध टीव्ही अभिनेत्री रिद्धिमा पंडित. ‘बहु हमारी रजनीकांत’ या मालिकेतून घराघरात पोहोचलेली रिद्धिमा ही शुभमनला डेट करत असल्याच्या जोरदार चर्चा गेल्या अनेक दिवसांपासून आहेत. इतकंच नव्हे तर हे दोघं लवकरच लग्नबंधनात अडकणार असल्याचंही म्हटलं गेलंय. या सर्व चर्चांवर रिद्धिमाने याआधीही दिलेल्या मुलाखतीत प्रतिक्रिया दिली होती. मात्र तरीही या चर्चा न थांबल्याने तिने पुन्हा एकदा मौन सोडलं आहे.
पापाराझी विरल भयानीला दिलेल्या मुलाखतीत रिद्धिमा म्हणाली, “याबद्दल आता मी काय बोलावं हेच मला कळत नाही. हा विषय संपायचं नावंच घेत नाहीये. कदाचित लोकांना मी आणि शुभमन गिल एकत्र येण्याची कल्पना आवडत असावी. पण खरं सांगायचं झालं तर मी कधी त्याला भेटलेसुद्धा नाही. माझ्या सर्व शुभेच्छा त्याच्यासोबत आहेत. पण या अफवा कुठून पसरवल्या जात आहेत, हेच मला कळत नाही.”
“गेल्या वर्षी डिसेंबर महिन्यात आमच्या लग्नाच्याही चर्चा होत्या. मात्र आमच्यात असं काहीच नाही. मी चाहत्यांचं मन मोडल्याबद्दल माफी मागते. पण शुभमन गिल आणि माझ्यात असं कोणतंच नातं नाही. कारण मी त्याला ओळखतच नाही. कदाचित माझ्या चाहत्यांना ही गोष्ट आवडत असावी की रिद्धिमाला तिचा पार्टनर भेटला. मग तो क्रिकेटर असो किंवा एखादी सामान्य व्यक्ती. माझ्या चाहत्यांना यातच रस असावा की अखेर मला माझ्या आयुष्याचा जोडीदार भेटला. शुभमनचं नाव इतरही काही सेलिब्रिटींसोबत जोडलं गेलंय. यावर त्याने कधीच प्रतिक्रिया दिली नाही. पण मला आता त्या चर्चांवर बोलावं लागतंय. कारण माझ्या कुटुंबीयांना याबद्दल खूप फोन येत आहेत. काहींनी तर या चर्चांमुळे मला जी प्रसिद्धी मिळतेय, त्याला एंजॉय करण्याचाही सल्ला दिला आहे. पण मला त्याचीही गरज नाही. कारण मी काम करून माझं नाव कमावलंय. मी माझ्या कामामुळे ओळखली जावी, अशी माझी इच्छा आहे”, असं रिद्धिमाने स्पष्ट केलं.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
एकीकडे विधानसभा निवडणकीत पराभव झाल्याने महाविकास आघाडीचा भ्रमनिरास झाला आहे. तर दुसरीकडे सर्वाधिक नुकसान झालेल्या उद्धव बाळासाहेब ठाकरे शिवसेना पक्षाला...
Comment List