बेळगावात आज महाराष्ट्र एकिकरण समितीच्या महामेळावा आयोजित केला होता. मात्र या मेळाव्याला कर्नाटक सरकारने परवानगी नाकारात महामेळावा होऊच नये यासाठी परिसरात जमावबंदी आदेश लागू केला आहे. कर्नाटक सरकारचा विरोध करत सीमाभागातून बेळगावकडे निघालेल्या शिवसेना (उद्धव बाळासाहेब ठाकरे) पक्षाच्या शिवसैनिकांना कर्नाटक पोलिसांनी अडवलं आहे.
काय चाललं आहे या देशात. बााबासाहेबांनी संविधान दिलं. ही लोकशाही नाही, ठोकशाही आहे. दादागिरी आहे. हुकुमशाहीच्या दिशेने चाललोय. कर्नाटक सरकारचे पोलीस आम्हाला अडवतायत. आम्ही काय अतिरेकी आहोत का? आम्ही कायम मराठी माणसांच्या पाठीशी आहोत, असे शिवसेना उपनेते, कोल्हापूर जिल्हाप्रमुख संजय पवार यांनी सांगितले.
”कर्नाटक सरकार मराठी माणसांना कशासाठी घाबरते आहे? वर्षानुवर्षे जो आपला भाग आहे, अतिक्रमण कर्नाटक सरकारने केले आहे त्या भागात अधिवेशन होत आहे. लोकशाही मार्गाने भूमिका मांडणे हा प्रत्येक नागरिकाला संविधानाने दिलेला अधिकार आहे. मराठी बांधवांसाठी आम्ही कायम ठामपणे उभे आहोत यापुढेही उभे राहणार”, असेही संजय पवार यांनी सांगितले.
Comment List