सिनेविश्वातून धक्कादायक माहिती समोर येत आहे. कन्नड सिनेविश्वातील प्रसिद्ध आणि लोकप्रिय दिग्दर्शकाचं निधन झालं आहे. दिग्दर्शक गुरुप्रसाद यांचं निधन झालं आहे. गुरुप्रसाद यांनी अनेक सिनेमांचं दिग्दर्शन केलं असून रिऍलिटी शोच्या परीक्षकाची जबाबदारी देखील त्यांनी पार पाडली आहे. वयाच्या 52 व्या वर्षी गुरुप्रसाद यांनी अखेरचा श्वास घेतला. पण त्यांच्या निधनामुळे खळबळ माजली आहे. गुरुप्रसाद यांचा मृतदेह राहत्या घरात कुजलेल्या अवस्थेत आढळला. गुरुप्रसाद रविवारी त्यांच्या बेंगळुरूमधील अपार्टमेंटमध्ये मृतावस्थेत आढळले. ते गेल्या 8 महिन्यांपासून उत्तर बेंगळुरूमधील मदननायकनहल्ली भागात राहत होते.
गुरुप्रसाद यांच्या निधनानंतर पोलिसांनी आत्महत्या असल्याचा संशय व्यक्त केला आहे. दोन-तीन दिवसांपूर्वीच दिग्दर्शकाचा मृत्यू झाल्याची माहिती समोर येत आहे. अपार्टमेंटमधून दुर्गंधी येत असल्याने शेजाऱ्यांनी पोलिसांना माहिती दिली. गुरुप्रसाद यांच्या निधनाची माहिती समोर आल्यानंतर चाहत्यांना मोठा धक्का बसला. गुरुप्रसाद यांच्या निधनामुळे सेलिब्रिटी आणि चाहत्यांना देखील मोठा धक्का बसला आहे.
रिपोर्टनुसार, गुरुप्रसाद आर्थिक संकटाशी झुंजत होते. रंगनायका या सिनेमाच्या अपयशामुळे त्यांचं मोठं नुकसान झालं. त्यांच्यावर खूप कर्ज होतं त्यामुळे गुरुप्रसाद नैराश्याचा बळी ठरल्याची माहिती देखील समोर येत आहे. सिनेमा यावर्षी मार्च महिन्यात प्रदर्शित झाला होता. मात्र, ‘रंगनायका’ सिनेमा बॉक्स ऑफिसवर फेल ठरला.
दिग्दर्शन क्षेत्रात पदार्पण करण्यापूर्वी गुरुप्रसाद यांनी अभिनय क्षेत्रात देखील काम केलं होतं. 2006 मध्ये गुरुप्रसाद यांनी अभिनय विश्वात पदार्पण केलं होतं. ‘माता’ सिनेमात गुरुप्रसाद झळकले होते. सिनेमा बॉक्स ऑफिसवर देखील हीट ठरला. ज्यामुळे गुरुप्रसाद यांच्या लोकप्रियतेत मोठी वाढ झाली. पण त्याच्या निधनामुळे सेलिब्रिटी आणि चाहत्यांना मोठा धक्का बसला आहे. सध्या गुरुप्रसाद यांच्या निधनानंतर पोलीस कसून चौकशी करत आहेत.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List