IPL 2025 – रोहित-सूर्याचा झंझावात; हैदराबादला धूळ चारत मुंबईचा विजयी चौकार

रोहित शर्माचा विस्फोटक अंदाज पाहून राजीव गांधी स्टेडियम चाहत्यांच्या जयघोषाने दणाणून गेलं. चौकार आणि षटकारांची चौफेर आतषबाजी करत रोहितने 46 चेंडूंमध्ये 8 चौकार आणि 3 षटकारांच्या मदतीने 70 धावांची वादळी खेळी केली. रोहित शर्मा दमदार फलंदाजी करून माघारी परतला. त्यानंतर विल जॅक्स (22 धावा) स्वस्तात बाद झाला. परंतु त्यानंतर सूर्यकुमार यादवने फक्त 19 चेंडूंमध्ये 5 चौकार आणि 2 षटकार मारत नाबाद 40 धावा करत संघाचा विजय निश्चित केला. त्यामुळे हैदराबादने दिलेले 144 धावांचे आव्हान मुंबईने 15.4 षटकांमध्येच पूर्ण केले आणि 7 विकेटने सलग चौथा सामना जिंकला. या विजयासह मुंबईने गुणतालिकेत तिसऱ्या क्रमांकावर झेप घेतली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.