धार्मिक विधीदरम्यान निखाऱ्यांनी भरलेल्या खड्ड्यात पडून भाविकाचा मृत्यू, व्हिडिओ सोशल मीडियावर व्हायरल

तामिळनाडूमध्ये एक धक्कदायक घटना घडली आहे. रामनाथपुरम जिल्ह्यातील एका मंदिरात उत्सवादरम्यान जळत्या निखाऱ्यांनी भरलेल्या खड्यात पडून एका 56 वर्षीय भाविकाचा मृत्यू झाला. केशवन असे मयत भाविकाचे नाव आहे. कुयावनकुडी येथे निखाऱ्यावर चालण्याच्या विधीदरम्यान ही घटना घडली. या घटनेचा व्हिडिओ सोशल मीडियावर व्हायरल झाला आहे.

रामनाथपुरम जिल्ह्यातील कुयावनकुडी येथे प्रतिवर्षीप्रमाणे सुब्बैया मंदिर उत्सवाचे आयोजन करण्यात आले होते. या उत्सवात प्रथेप्रमाणे थीमिझी थिरुवझा हा विधी पार पडतो. या विधीमध्ये नवस पूर्ण करण्यासाठी आणि आशीर्वाद घेण्यासाठी भाविक जळत्या निखाऱ्यांवरुन अनवाणी चालतात.

केशवन हे देखील या विधीत सहभागी झाले होते. विधीदरम्यान निखाऱ्यांवरुन धावताना केशवन हे निखाऱ्यांच्या खड्ड्यात पडले. बचाव पथकाने तात्काळ धाव घेऊन केशवन यांना बाहेर काढले. केशवन गंभीर जखमी झाल्याने त्यांना तात्काळ उपचारासाठी रामनाथपुरम जिल्हा सरकारी रुग्णालयात नेण्यात आले. मात्र उपचारादरम्यान त्यांचा मृत्यू झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.