Chhattisgarh News – विजापूर-दंतेवाडा सीमेवर चकमक, जवानांकडून 3 नक्षलवाद्यांना कंठस्नान

छत्तीसगडमधील दंतेवाडा आणि विजापूर जिल्ह्यांच्या सीमावर्ती भागात शनिवारी सुरक्षा दल आणि नक्षलवाद्यांमध्ये चकमक झाली. या चकमकीत पोलिसांनी तीन नक्षलवाद्यांना ठार मारले. त्यापैकी एक महिला नक्षलवादी असल्याची माहिती मिळते.

मिळालेल्या माहितीनुसार, गेल्या दोन दिवसांपासून डीआरजी, एसडीएफ आणि कोब्रा 210 बटालियन जवानांकडून विजापूरमधील इंद्रावती व्याघ्र प्रकल्प राष्ट्रीय उद्यानाच्या जंगलात शोध मोहीम सुरू होती. यादरम्यान जंगलात दबा धरून बसलेल्या नक्षलवाद्यांनी जवानांवर गोळीबार केला. या गोळीबाराला दिलेल्या प्रत्युत्तरात जवानांनी तीन नक्षलवाद्यांना ठार केले.

घटनास्थळावरून माओवाद्यांकडील शस्त्रे आणि स्फोटके जप्त करण्यात आली आहेत. ठार केलेल्या नक्षलवाद्यांची ओळख अद्याप पटलेली नाही. परिसरात अद्याप शोध मोहीम सुरू आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.