गूगल मॅपने पुन्हा दिला धोका, चुकीचे लोकेशन दाखवल्याने कार राँग साईडला गेली अन् दोन तरूणींचा करुण अंत

हल्ली कुठेही जायचे असेल तर गूगल मॅपचा वापर सर्वच जण सर्रास करतात. मात्र गूगल मॅपमुळे अनेक दुर्घटनाही घडल्या आहेत. अशीच एक घटना उत्तर प्रदेशातील मोरादाबाद येथे घडली. गूगल मॅपच्या मदतीने हरियाणाला चाललेल्या तरुणांची कार राँग साईडला गेली. यावेळी कार कंटेनरला धडकून दोन तरुणींचा जागीच मृत्यू झाला. यात दोन तरून जखमी झाले आहेत.

दोन तरुण आणि दोन तरुणी गूगल मॅपच्या मदतीने रस्ता शोधत होते. यावेळी गूगलने दाखवलेल्या लोकेशननुसार गाडी बायपासवरून शहराकडे जाणाऱ्या रस्त्यावर राँग साईडला गेली. यावेळी समोरून भरधाव येणाऱ्या कंटेनरला कार धडकली. कंटेनरला धडकल्यानंतर कारचा चक्काचूर झाला आणि दरवाजे लॉक झाले. मोरादाबादमधील मुंडा पांडे हद्दीतील बायपास रोडवर घडली.

या अपघातात कारमधील दोन तरुणी जागीच ठार झाल्या तर दोघे तरुण गंभीर जखमी झाले. शिवानी आणि सिमरन अशी अपघातात मृत्यू झालेल्या तरुणींची नावे आहेत. राहुल आणि संजू अशी जखमी तरुणांची नावे आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.