लातूर जिल्ह्यात विजांच्या कडकडाटासह अवकाळी पाऊस, फळांसह पालेभाज्यांचे नुकसान

लातूर जिल्ह्यात विजांच्या कडकडाटासह अवकाळी पाऊस, फळांसह पालेभाज्यांचे नुकसान

शहरासह जिल्ह्यात आज सायंकाळी अचानक विजांच्या कडकडाटात अवकाळी पावसाने धुमाकूळ घातला. पाऊस सुरू होताच वीज पुरवठा खंडित करण्यात आला होता. हलक्या स्वरुपात गारांचा पाऊस ही झाला.

लातूर शहरात सायंकाळी 5 वाजण्याच्या सुमारास अवकाळी पावसाला सुरुवात झाली. लातूर शहर परिसरासह जिल्ह्यातील काही भागात अवकाळी पाऊस झाला आहे. हलक्या स्वरूपात गारांचा पाऊस झाला. अहमदपूर तालुक्यातील मौजे किनगाव परिसरातही मागील दोन दिवसापासून ढगाळ वातावरण निर्माण झाल्याने गुरुवारी साडे चारच्या दरम्यान विजांच्या कडकडाटासह वादळी पावसाचे आगमन झाले. विद्युत पुरवठा विस्कळीत झाला. त्यामुळे आंबा फळासह पालेभाज्यांचे सुद्धा अतोनात नुकसान झाले आहे.

त्यामुळे बाजारात भाजीपाला महाग होण्याची शक्यता जाणकार भाजीपाला व्यापाऱ्याकडून वर्तवली जात आहे. किनगाव आणि परिसरात दोन दिवसापासून ढगाळ वातावरण निर्माण झाले असून जोरदार पावसाची शक्यता वर्तवली जात होती. या पावसाने रब्बी पिकासह पालेभाज्या फूलकोबी, टमाटे, वांगे, मेथी, कांदा, भेंडी, दोडका, मटकी सह फुलांचे सुद्धा नुकसान झाले आहे. त्यामुळे ती बाजारात महागण्याची शक्यता वर्तवली जात आहे. अचानक झालेल्या वातावरणातील बदलामुळे जोराचे वादळ व पावसाने आंबा झाडांची फळे गळून शेतकऱ्यांचे मोठ्या प्रमाणावर नुकसान झाले आहे.

दुपारनंतर कधी सौम्य तर कधी जोरदार वाऱ्याच्या लाटा निर्माण झाल्या होत्या. विजांच्या गडगडाटाने जनावरांच्या खाद्यासाठीची वैरण, गुळी ,भुईमुगाच्या वेली यावर झाकण्यासाठी बाजारात मेन कापड खरेदीसाठी शेतकऱ्यांची धावपळ मोठया प्रमाणात होताना दिसून आली. निलंगा शहर आणि परिसरात हलक्या स्वरुपाचा पाऊस झाला. जळकोट तालुक्यात पावसाने हजेरी लावली. अहमदपूर तालुक्यातील हडोळती परिसरात वीजांचा कडकडाट सुरू होता. आभाळ भरून आले होते.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

IMD weather forecast : वादळाचा तडाखा, महाराष्ट्राला पाऊस झोडपणार, या जिल्ह्यांना हाय अलर्ट IMD weather forecast : वादळाचा तडाखा, महाराष्ट्राला पाऊस झोडपणार, या जिल्ह्यांना हाय अलर्ट
मोठी बातमी समोर येत आहे, गेल्या चार ते पाच दिवसांपासून महाराष्ट्रात पावसानं धुमाकूळ घातला आहे. अनेक भागांमध्ये जोरदार पावसासह गारपिटीचा...
“देव त्यांच्या आत्म्यास शांती देवो”, मोदींपासून ते फडणवीसांपर्यंत सर्वांनी मनोज कुमार यांच्याबद्दल व्यक्त केल्या भावना
सर्वांसमोर अमरीश पुरींनी स्मिता पाटीलच्या लगावली होती कानशिलात, नंतर अभिनेत्रीने जे काही केलं…
मोहम्मद युनूस पंतप्रधान मोदींना भेटले, शेख हसीना यांच्या हस्तांतरणाचा मुद्दा मांडला
National Kho-Kho Championship 2024-25 – महाराष्ट्राच्या महिलांची जोरदार मुसंडी, पुरुष गटात रेल्वेने मारली बाजी
Nuts Benefits- आपल्या आहारासाठी बदाम आणि शेंगदाणे वरदानापेक्षा कमी नाही! वाचा सविस्तर
वक्फ सुधारणा विधेयकाविरोधात काँग्रेसची सर्वोच्च न्यायालयात धाव, याचिका केली दाखल