पोलिसांपासून वाचले पण मृत्यूने गाठले, अटक टाळण्यासाठी नदीत उडी घेतलेल्या जुगाऱ्यांचा बुडून मृत्यू

पोलिसांपासून सुटका करून घेण्यासाठी तापी नदीत उडी घेतलेल्या दोघांचा बुडून मृत्यू झाल्याची घटना गुजरातमध्ये उघडकीस आली. पोलिसांनी दोघांचे मृतदेह पाण्यातून बाहेर काढत शवविच्छेदनासाठी रुग्णालयात पाठवले.

तापी नदीकिनारी 8 ते 10 जुगारी जुगार खेळत बसले होते. यादरम्यान पोलिसांनी अचानक छापा टाकला. यावेळी पोलिसांपासून सुटका करण्यासाठी सर्व जण झाडा-झुडुपात लपले तर दोघांनी तापी नदीत उडी घेतली.

पोहता येत नसल्याने नदीत उडी घेतलेल्या दोघांचा बुडून मृत्यू झाला. पोलिसांनी अग्नीशमन दलाला घटनेची माहिती दिली. यानंतर अग्नीशमन दलाने घटनास्थळी दाखल होत दोन्ही मृतदेह बाहेर काढले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.