संत तुकाराम महाराज बीजनिमित्त जगद्‌गुरू श्री संत तुकाराम महाराज यांच्या जगातील सर्वांत मोठ्या पगडीचा लोकार्पण सोहळा 11 मार्च रोजी सकाळी 11 वाजता जगद्‌गुरू श्री संत तुकाराम महाराज मुख्य मंदिर, श्रीक्षेत्र देहू या ठिकाणी पार पडणार आहे.
याप्रसंगी ‘वर्ल्ड रेकॉर्ड्स इंडिया अॅण्ड जीनिअस फाऊंडेशन’चे सीईओ पवनकुमार सोलंकी आणि संत तुकाराम महाराज देवस्थान ट्रस्ट, श्रीक्षेत्र देहूचे अध्यक्ष ह.भ.प. पुरुषोत्तम मोरे यांची विशेष उपस्थिती राहणार आहे. या कार्यक्रमाची संकल्पना व आयोजन ‘दिलीप सोनिगरा ज्वेलर्स’ यांनी केले आहे.
दिलीप सोनिगरा म्हणाले, ‘जगद्‌गुरू श्री संत तुकाराम महाराज यांच्या पदस्पस्पशनि पावन झालेल्या देहूनगरीमध्ये आम्ही वास्तव्य करीत आहोत. याच परिसरात आम्ही व्यवसायात स्थिर झालो आहोत. संत तुकाराम महाराजांवर आमची नितांत श्रद्धा आहे. याच सद्भावनेतून आम्ही जगातील सर्वांत मोठी पगडी तयार केली असून, वर्ल्ड रेकॉर्ड्स इंडिया अॅण्ड जीनिअस बुकमध्ये तिची नोंद होणार आहे.’
‘ही पगडी दर्शनासाठी 10 तारखेला सकाळी 11 ते 5 वाजेपर्यंत ‘दिलीप सोनिगरा ज्वेलर्स’ चिंचवड येथे ठेवण्यात येणार आहे. ही पगडी पाहण्यासाठी व दर्शनासाठी सर्वांसाठी खुली आहे. नागरिकांनी याचा लाभ घ्यावा,’ असे आवाहन दिलीप सोनिगरा यांनी केले आहे.
पगडीचा घेराव हा 22 फुटांचा असून, पगडीची उंची 4 फूट आहे. या पगडीला 450 मीटर लांबीचा कपडा लागला आहे.
Comment List