TVS मोटरने हिंदुस्थानात आपल्या प्रीमियम बाईक Ronin चा 2025 एडिशन लॉन्च केला आहे. नवीन व्हेरिएंट मध्ये नवीन रंग आणि ग्राफिक्स देण्यात आले आहेत. लूकच्या बाबतीत आता ही बाईक अधिक प्रीमियम दिसते. ही बाईक थेट रॉयल एनफिल्ड हंटर 350 शी स्पर्धा करेल. या बाईकमध्ये कंपनीने काय दिलं आहे खास याबद्दल अधिक माहिती जाणून घेऊ….
किती आहे किंमत?
नवीन TVS Ronin 2025 एडिशनची एक्स-शोरूम किंमत 1.59 लाख रुपये आहे. ही बाईक ग्लेशियर सिल्व्हर, चारकोल एम्बर आणि मिडनाईट ब्लू कलर पर्यायांमध्ये लॉन्च करण्यात आली आहे. बाईकच्या डिझाइन आणि इंजिनमध्ये कोणताही बदल करण्यात आलेला नाही. या बाईकमध्ये T-shaped LED DRL, LED हेडलॅम्प, 2 राइडिंग मोड, ॲडजस्टेबल लीव्हर, ब्लूटूथ कनेक्टिव्हिटी, LCD स्पीडोमीटर सारखे फीचर्स देण्यात आले आहेत.
इंजिन
बाईकच्या इंजिनमध्ये कोणताही बदल करण्यात आलेला नाही. या बाईकमध्ये 225.9cc इंजिन आहे. जे 20.4 PS पॉवर आणि 19.93 टॉर्क जनरेट करते. यात 5 स्पीड गिअरबॉक्सची सुविधा आहे.
हंटर 350 शी होणार स्पर्धा
TVS Ronin 225 ची स्पर्धा रॉयल एनफिल्ड हंटरशी असेल. हंटर 350 ची किंमत 1,49,900 रुपयांपासून सुरू होते. डिझाईनच्या बाबतीत ही बाईक खूपच चांगली आहे आणि हा त्याचा प्लस पॉइंट आहे. हंटर 350 मध्ये 349cc सिंगल-सिलेंडर एअर-कूल्ड इंजिन आहे. जे 20.2bhp पॉवर आणि 27 Nm टॉर्क जनरेट करते. यात 5-स्पीड गिअरबॉक्स देखील आहे. बाईकचे कर्ब वजन 181 किलो आहे.
Comment List