खासगी बसची ट्रकला धडक, अपघातात 7 प्रवाशी ठार; 40 जण जखमी

खासगी बस आणि ट्रकमध्ये धडक होऊन भीषण अपघाताची घटना गुजरातमध्ये घडली. या अपघातात सात प्रवाशांचा जागीच मृत्यू झाला तर 40 जण जखमी झाले आहेत. अपघातात बसच्या पुढील भागाचा चक्काचूर झाला आहे. कच्छमधील केरा मुंद्रा रोडवर ही घटना घडली. घटनेची माहिती मिळताच स्थानिक पोलीस आणि आपत्कालीन पथकाने घटनास्थळी धाव घेत मदतकार्य सुरू केले.

पोलिसांनी सर्व मृतदेह शवविच्छेदनासाठी रुग्णालयात पाठवले आहेत. जखमींना उपचारासाठी दाखल करण्यात आले आहे. मृतांचा आकडा वाढण्याची शक्यता आहे. अपघातातील मृतांची आणि जखमींची अद्याप ओळख पटू शकली नाही. पोलीस सर्वांचा ओळख पटवण्यासाठी प्रयत्न करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.