आता तुम्हीही करा घरच्या घरी फ्रूट फेशियल.. एकदम स्वस्त आणि मस्त

आपण घरी असलेल्या फळांचा योग्य वापर केला तर, आपल्याही सौंदर्यात चांगलीच भर पडेल. फळे आरोग्यासाठी किती फायदेशीर असतात हे आपण सर्वच जाणतो, पण तुम्ही कधी विचार केला आहे का की ही फळे त्वचेचे सौंदर्य वाढवण्यातही महत्त्वाची भूमिका बजावू शकतात. आपण घरी असलेल्या कोणत्या फळांपासून फ्रूट फेशियल करु शकतो हे जाणून घेऊया.

सर्वप्रथम आपण फ्रुट फेशियल म्हणजे काय हे जाणून घेऊ.

फळांमध्ये असलेले अनेक घटक हे त्वचेसाठी खूपच आवश्यक असतात. फेशियल करताना त्वचेवर होणारा मसाज यामधून फळांचे गुण हे आपल्या त्वचेसाठी पोषक ठरतात.

केळी – त्वचेसाठी केळी हे एक नैसर्गिक चमक देण्यासाठी उत्तम उपाय मानला जातो. केळ्यामध्ये त्वचा एक्सफोलिएट करण्याचे गुणधर्म आहेत, त्यामुळे त्वचेच्या मृत पेशींना एक्सफोलिएट करण्यात मदत होते. तसेच फेसपॅक म्हणून केळीचा वापर केल्यास टॅनिंगची समस्या कमी होऊ शकते. एवढेच नाही तर, केळ्यामध्ये मुरुमविरोधी आणि वृद्धत्वविरोधी गुणधर्म देखील समृद्ध असतात, ज्यामुळे मुरुम आणि सुरकुत्याची समस्या कमी होते.

संत्री – संत्रे खाण्यासोबतच त्वचेसाठी खूप फायदेशीर मानली जातात. संत्र्यामध्ये अँटी-बॅक्टेरियल आणि अँटीफंगल गुणधर्म असतात, त्यामुळे संत्र्याचा वापर हा नैसर्गिक ब्लीच म्हणून काम करतो. संत्रे त्वचेवर लावल्यास झटपट चमक येण्यास मदत होते. तसेच, मुरुमांची समस्या आणि वृद्धत्वाचे परिणाम कमी करण्यासाठी हे उपयुक्त मानले जाते.

पपई – पपई त्वचेसाठी देखील फायदेशीर मानली जाते. वास्तविक, हे एक उत्तम ब्लीचिंग एजंट म्हणून काम करू शकते, जे मृत पेशी काढून नवीन आणि निरोगी पेशी तयार करण्यात मदत करू शकते. या प्रक्रियेमुळे त्वचेच्या रंगात बरीच सुधारणा दिसून येते.

(कोणतेही उपाय करण्यापूर्वी तज्ज्ञांचा सल्ला घेणे आवश्यक आहे.)

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.