कलर्स मराठी वाहिनीवरील ‘आई तुळजाभवानी’ या मालिकेला अल्पावधीतच लोकप्रियता मिळाली. प्रेक्षकांकडून या मालिकेला चांगला प्रतिसाद मिळतोय. यामध्ये अभिनेत्री पूजा काळे ही आई तुळजाभवानीचीभूमिका साकारतेय. या भूमिकेसाठी तिची निवड कशी झाली, मालिकेत काम करण्याचा तिचा अनुभव कसा आहे, याविषयी ती मोकळेपणे व्यक्त झाली.
आई तुळजाभवानी मालिकेचा अनुभव कसा आहे?
– लहाणपणापासून सुरू असलेला नृत्याचा रियाज आणि माझी नृत्याची प्रचंड आवड यामुळे मालिका करताना जेव्हा कुठे नृत्याचा टेक असेल तेव्हा मी खूप खुश असते. अभिनयासाठी हावभाव करताना नृत्याचा फायदाच होता. पौराणिक कथांचे नृत्यामध्ये आम्ही सादरीकरण करतो. अशावेळी अंग, प्रत्यंग, उपांगाचा वापर होऊन नवरस सादर करतो. ती सवय असल्याने अभिनय करायला सोपे जाते. आई तुळजाभवानी मालिकेची विचारणा जेव्हा झाली तेव्हा माझ्या मनात चटकन उत्तर आलं होतं नक्कीच करायची आहे मला ही मालिका… कारण तुळजाभवानीसोबत माझ्या घराचं जुन नातं आहे, आमची ती कुलस्वामिनी आहे. नृत्यात मी अनेकदा तांडव सादर केले आहे. पण, साक्षात तेच साकारायला मिळणं हे मी माझं भाग्य समजते. आई तुळजाभवानी मालिकेसाठी 350 ते 400 हून अधिक ऑडिशन घेतल्या गेल्या होत्या. ज्यातून माझी निवड झाली. माझ्या नशिबात ही मालिका लिहिली होती असं म्हणायला हरकत नाही. देवीचीच इच्छा असावी म्हणून माझ्यापर्यंत ही मालिका आली.
नृत्याचं शिक्षण कुठून घेतलंस?
– मी अखिल भारतीय गंधर्व महाविद्यालय मंडळ, मिरजमधून भरतनाट्यम नृत्यात विशारद पूर्ण करून अलंकार करत आहे. मी अगदी तीन वर्षाची होते तेव्हापासूनच आमच्या नटराज नृत्यालयाच्या वार्षिक नृत्यउत्सवात स्टेज परफॉर्मन्स करत आले आहे. त्यामुळे शास्त्रीय नृत्याबरोबर संपूर्ण भारतातील लोकनृत्य करायला मिळाले. इतकंच नाही तर वेस्टर्न नृत्यही त्यामुळे शिकायला मिळालं. गुरू मुक्ताबाला जोशी आणि गुरू अमृता साळवी यांच्याकडे कथ्थक नृत्याचं शिक्षण घेतलं. ओडिसी, मोहिनियत्तम, कुचीपुडी नृत्यदेखील मी करते. पण, नृत्यासोबतच शास्त्रीय गायन मी श्री मनोज माळी ह्यांच्याकडे शिकले आहे.
– जेव्हा मला कळलं मालिकेत असा सीन आहे तेव्हा मी खूप खुश झाली. कारण नृत्य हा माझा खूपच जवळचा विषय आहे आणि आता मला ते मालिकेत सादर करण्याची संधी मिळते आहे त्यामुळे मला खूपच आनंद झाला. शूटिंग आणि प्रत्यक्षात सादर करणं यात निश्चितच खूप फरक आहे. पण, मालिकेत तांडव मी ऑन द स्पॉट केलं होतं. मला आमचे दिगदर्शक सर बोले की तांडव सादर करायचा आहे. कधीपर्यंत प्रॅक्टिस करुन आपण शूट करुयात. तेव्हा मी म्हणाले ऑन द स्पॉट केलं तरी चालेल. मी तांडव सादर करण्याआधी अजिबात रियाझ केला नाही कदाचित देवीनेच मला तेव्हा बळ दिलं.
लहानपणापासून नृत्याशी काही संबंध आहे का?
– आई नृत्य दिग्दर्शिका असल्याने अनेक म्युझिक अल्बममध्ये तिच्या विद्यार्थ्यांसोबत नृत्य सादर केलं आहे. तेव्हा मी सतत तिच्या बरोबर असायचे. त्यामुळे कोळी नृत्य, जागरण गोंधळ, जोगवा हे सर्व प्रकार पाहत आले आणि करतही आलेय. शास्त्रीय नृत्याची माझी गुरू अर्थात माझी आई राजश्री काळे आहे. श्री विक्रमन पिल्लई, श्री दीपक मुजूमदार हे माझे गुरू आहेत.
मालिकेच्या व्यग्र वेळापत्रकातून तू नृत्यासाठी कसा वेळ काढतेस?
– नृत्य शिकत असताना आपल्याला वेळात वेळ काढावाच लागतो. मला नृत्याची खूप आवड आहे, त्यामुळे मालिकेच्या हेक्टिक शेड्युलमधून मी रियाझसाठी थोडा वेळ तरी काढते. मालिकेमध्ये तांडव किंवा कोणतेही नृत्य करायचे असल्यास मी खूप जास्त उत्सुक असते. मी जवळ जवळ सगळेच डान्स स्टाइल शिकले आहे, त्यामुळे मला खूप सोपं जातं.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
लोकसभा निवडणुकीमध्ये महाविकास आघाडीला मोठं यश मिळालं होतं, महायुतीच्या अनेक दिग्गज उमेदवारांचा पराभव झाला. मात्र त्यानंतर झालेल्या विधानसभा निवडणुकीत महायुतीनं...
Comment List