एएफपी वृत्तसंस्थेने विमानतळ अधिकाऱ्यांच्या हवाल्याने न्यूयॉर्कहून नवी दिल्लीला जाणारे अमेरिकन एअरलाइन्सचे विमान ‘बॉम्बच्या भीतीमुळे’ रोमला वळवण्यात आले, असे वृत्त दिले आहे.
अमेरिकन एअरलाइन्सचे AA292 हे विमान 22 फेब्रुवारी रोजी न्यूयॉर्कच्या जेएफके आंतरराष्ट्रीय विमानतळावरून दिल्लीच्या दिशेने प्रवास करत होते. मात्र ते रोमला वळवण्यात आले. या विमानात 199 प्रवाशांसह विमानातील क्रू होते. बॉम्बेची धमकी मिळताच हे बोईंग विमान रोमच्या दिशेने वळवून फ्युमिसिनो विमानतळावर उतरले.
इटलीच्या एएनएसए वृत्तसंस्थेने अशी माहिती दिली आहे की, ‘बॉम्बच्या धमकीमुळे’ विमानाचा मार्ग ऐनवेळी बदलण्यात आला.
विमानतळ अधिकाऱ्यांनी एबीसी न्यूजला सांगितले की, विमान लिओनार्डो दा विंची रोम फ्युमिसिनो विमानतळावर सुरक्षितपणे उतरले आहे.
‘सुरक्षेला आमची सर्वोच्च प्राथमिकता आहे आणि आम्ही आमच्या प्रवाशांनी केलेल्या सहकार्याबद्दल आभार मानतो’, असे एअरलाइनने एका निवेदनात म्हटले आहे.
एएफपीच्या वृत्तानुसार, धोक्याची सूचना मिळताच प्रोटोकॉलनुसार या प्रवासी विमानाला दोन लढाऊ विमानांनी इटालियन विमानतळावर नेले. विमानतळावर सर्व प्रवाशांना विमानातून सुखरुप उतरवण्यात आणि हवी ती मदत देण्यात आली.
दरम्यान, या घटनेचा विमानतळाच्या कामकाजावर कोणताही परिणाम झाला नाही. ‘कर्मचाऱ्यांनी सुरक्षेसंदर्भात तक्रार केल्यानंतर’ यूएस फेडरल एव्हिएशन अॅडमिनिस्ट्रेशन (एफएए) ने विमान सुरक्षितपणे उतरल्याच्या वृत्ताला दुजोरा देण्यात आला आहे.
Comment List