विराट कोहली 13 वर्षांनी रणजी ट्रॉफी खेळणार, ऋषभ पंतला डच्चू; ‘या’ दिवसापासून सुरू होणार सामना

विराट कोहली रणजी ट्रॉफी खेळणार असल्याचे निश्चित झाले आहे. रेल्वेविरुद्ध होणाऱ्या सामन्यासाठी दिल्लीच्या संघाची घोषणा करण्यात आली असून विराट कोहलीची संघात निवड करण्यात आली आहे. कर्णधार पदाची जबाबदारी 25 वर्षीय आयुष बदोनीच्या खांद्यावर सोपवण्यात आली आहे. मात्र दुसरीकडे ऋषभ पंतला दिल्लीच्या संघातून वगळण्यात आले आहे.

चॅम्पियन्स ट्रॉफी पूर्वी टीम इंडियाचे स्टार खेळाडू देशांतर्गत क्रिकेटमध्ये खेळताना दिसत आहेत. कर्णधार रोहित शर्मा, यशस्वी, शुभमन गिलसह अनेक खेळाडू आपापल्या संघाकडून मैदानात उतरले आहेत. आता विराट कोहली सुद्धा 30 जानेवारी पासून सुरू होणाऱ्या रेल्वेविरुद्धच्या सामन्यासाठी दिल्लीकडून मैदानात उतरणार आहे. जवळपास 13 वर्षांनी विराट कोहली देशांतर्गत क्रिकेटमध्ये खेळताना दिसणार आहे. त्यामुळे दिल्लीचे खेळाडू सुद्धा विराट कोहली सोबत खेळण्यास उत्सुक आहेत. विराट कोहलीने यापूर्वी 2012 साली रणजी करंडकात उत्तर प्रदेशविरुद्ध सामना खेळला होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.